JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CAC la tauk investiga líder nasionál ne’ebé komete korrupsaun

CAC la tauk investiga líder nasionál ne’ebé komete korrupsaun

Komisáriu Comissão Anti Corrupção (CAC), Sergio Hornay, afirma, CAC la tauk halo investigasaun ba kazu ne’ebé komete husi líder nasionál sira ho natureza korrupsaun, inklui kazu ró Haksolok.

“CAC halo investigasaun ba kazu ne’ebé ho natureza korrupsaun no kazu sira seluk, inklui kazu ró Haksolok, CAC sei halo investigasaun loloos, permanente no efetivu atu bele halo akuzasaun. Ha’u hanoin katak ita hotu hein no espera, prosesu hotu la’os Haksolok deit, krime saída deit mak iha nia natureza krime korrupsaun sei liu husi prosesu investigasaun, sei lori ba

Ministériu Públiku (MP) hodi uza nia kompeténsia”, Komisáriu CAC ne’e ba jornalista sira hafoin audénsia ho komisaun A Parlamentu Nasionál (PN), Kuarta (08-01-2020).

Sergio akresenta, tuir lei haruka, atu promove akuzasaun bele halo arkivamentu ka presiza aprofunda liu tan investigasaun ruma, atu rekolla faktu no matéria prova ruma hodi bele reforsa akuzasaun ne’e rasik.

“Ita tauk ba mate klamar deit, ita respeitu ba ita nia órgaun soberánia hotu no prinsípiu reseprosidade no respeitu mutuo, ita la tauk, maibé ita servisu ho kuidadu, ho determinasaun no objetividade, asegura legalidade, la’os haree ba iha tauk ka la ta’uk no la haree ba buat ida subjetividade, maibé haree ba buat ida objetividade”, tenik komisáriu CAC ne’e.

Iha tinan 2019 CAC rejista kazu korrupsaun hamutuk 73 no husi númeru kazu ne’e, CAC finaliza ona kazu korrupsaun hamutuk 43 no dau-daun ne’e investigadór halo hela prosesu investigasaun ba kazu hamutuk 17 ne’ebé iha indikasaun ba kazu korrupsaun.

Entretantu husi total kazu ne’ebé komisáriu CAC (Sergio-red) rejista kazu 66 simu delegasaun kompeténsia hodi halo prosesu investigasaun, enkuantu kazu 70 seluk nia parte simu keixa husi instituisaun Estadu.ety

Lee hotu :   KAK kontinua halibur informasaun sidadaun sira kontra regulamentu subsídiu USD 100

 

Add to Comments Here!!!!

error: Content is protected.
Secured By miniOrange
You might also like:
PM orienta ekipa interministerial uza Fundu Kontijensia apoia vítima dezastre naturál

Primeiru Ministru (PM), Taur Matan Ruak,...

Xefe Suku Madohi husu komunidade halót ona sasan kro’at

Xefe Suku Madohi Beranadino de Cristo...

Pastora Maria hakotu iis tanba sofre moras kardiaku

Pastora Protestante Igreja Evanjélika Asembleia de...

Close