JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deskonfia envolve kazu omisídiu, PCIC detein ona suspeitu na’in nen iha Laga

Deskonfia envolve kazu omisídiu, PCIC detein ona suspeitu na’in nen iha Laga

Polícia Científica Investigação Criminal (PCIC)  ezekuta mandadu Tribunal Distrital Baucau, hodi detein suspeitu nain nen (6), ne’ebé envolve kazu oho ema ida iha Laga. Suspeitu nain 6 mak  ho inisiál AFX,SCX,AVC,AC,RC, no  FFM.

Adjuntu  Diretór Nasionál   PCIC Adino Nunes Cabral  hateten,  PCIC  ezekuta mandadu tribunal  hodi detein suspeitu nain 6  iha loron 22 fulan  suspeitu nain  nen, ne’ebé  deskonfia envolve kazu tentativa homisídiu  iha Waiaka-Mulia Laga munisípiuBaucau  iha fulan Janeiro tinan kotuk.

PCIC detein suspeitu sira ne’e,  hetan apoiu husi Unidade Polísia Militar F-FDTL Baucau.

Iha loron 23  no 24 fulan ne’e,   PCIC  no  Polísia Militar submete  suspeitu nain 6 ba Tribunal Distritál Baucau, liu husi primeiru interogatóriu,  iha  primeiru interogatóriu, Tribunál aplika medida koasaun  prijaun preventiva ba suspeitu nain 6.

Wainhira rona tiha desizaun tribunal,  PCIC  transporta suspeitu nain 6  husi Baucau edifisiu PCIC iha Caicoli  hodi hala’o identifiksaun judisiária, hafoin lori  suspeitu sira ba prijaun Bekora.

“Prosesu ne’e  nia inisia  ne’e tuir lolos PCIC  mak kaer  prosesu  investigasaun ba kazu ne’e  ita hetan delegasaun kompeténsia husi Ministériu Públiku  iha faze investigasaun, konformi indisius  balun ne’ebé mak  ita nia kódigu prosesu penal , entaun sulisita ba ministériu Públiku, tribunal emiti mandadu detensaun  no tribunál  diriji mandadu detensaun mai iha PCIC,  ita ezekuta iha 22 fulan Janeiro ne’e no iha loron 23 ita aprezenta  suspeitu sira ba primeiru interogatóriu  no fim tribunál aplika medida koasaun ba sira nain 6 medida koasaun mais gradosu ho prijaun preventiva”,esplika  Adjuntu  Diretór Nasionál   PCIC Adino Nunes Cabral, ba GMN  Sesta (24/01//20), iha nia kna’ar fatin Caicoli, Díli.

Adino Nunes Cabral mós  agradese Unidade Polísia Militar munisípiu Baucau,  ne’ebé mak apoiu ona seguransa hodi halo kapturasaun ba suspeitu nain 6 iha Laga.

Lee hotu :   Deskonfia polísia halo agresaun fíziku hasoru membru KPK

“Iha ezekusaun ida ne’e PCIC la’os mesak, maibé ho apoiu kolega sira husi Polísia Militar hodi ezekuta mandadu refer, instituisionalmente ha’u hato’o agredese ba Polísia Militar”, dehan Adino Nunes Cabral.

Tribunal aplika pena  prizaun, preventive ba suspeitu sira , tanba deskonfia envolve iha kazu oho hasoru matebian , Alcino Baptista habitanteWaiaka-Mulia, iha loron rua nulu resin walu  fulan Janeiru, tinan 2019.avi 

 

Add to Comments Here!!!!

error: Content is protected.
Secured By miniOrange
You might also like:
Franscisco: TLPU tenke investe maka’as iha kapasitasaun

Organizasaun jornalista Timor Leste Press Union...

Implikasaun husi impase polítiku, CCITL: Investidór barak tauk investe iha TL

Prezidente Kámara Komérsiu Industria Timor-Leste (CCI-TL-sigla...

Ramos Horta kongratula maturidade povu Timor-Leste

Eis Prezidente Repúblika, José Ramos Horta...

Close