Diretór Nasionál servisu Migrasaun, Agustinho Gomes, hateten, membru servisu Migrasaun iha ema nain lima submete ona ba prosesu investigasaun iha Comissão Anti Corrupção (CAC), tanba deskonfia komete korupsaun.
“Iha duni kazu lima ne’ebé mak iha prosesu iha CAC no iha kazu ida konsege lori ba tribunal, mas rezultadu laiha provas agora kontinua servisu no nia iha dereitu ba denunsia caliniosa kontra sé mak lori ema ne’e ba iha tribunal,” esplika Diretór Nasionál servisu Migrasaun Superintendente Agustinho Gomes, ba GMN Segunda (13/01/20), iha aniversáriu Migrasaun ba dala 18 iha Akademia Polísia Comoro.
Alende ne’e Agustinho Gomes mós konsidera persepsaun husi komunidade kona-bá pesoal servisu investigasaun deskonfia riku matak iha kareta no uma luxu. Sé karik públiku hatene individual ne’e halo keisa ba iha CAC, Ministériu Públiku no ba PNTL hodi hahú prosesu krimilidade.
“Sé ita koalia temi hanesan de’it, ne’e hatudu katak ita lakohi fó kontrbuisaun hadia Migrasaun”,dehan Agustinho Gomes.
Antes ne’e Ministru Defeza no Interior Interinu Filomeno Paixão hateten, membru Migrasaun balun involve halo kobransa ilegal ba ema estranzeiru sira.avi
