JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu lansa primeira pedra ba konstrusaun edifísiu PNTL ■Komunidade afetadu seidauk hetan indemnizasaun

Governu lansa primeira pedra ba konstrusaun edifísiu PNTL  ■Komunidade afetadu seidauk hetan indemnizasaun

Ministru Defeza no Interior Interinu Filomeno Paixão hala’o lansamentu primeira pedra ba edifísiu foun instituisaun Polisía Nasionál Timor-Leste.
Seremonia lansamentu primeira pedra ba edifísiu foun PNTL ne’e ne’e hala’o iha Caicoli Díli Sesta (10/01/20) husi Ministru Defeza no Interior Interinu Filomeno Paixão, ne’ebé mak akompañia husi Komandante Jerál PNTL Komisáriu Faustino da Costa.
Seremonia tau fatuk ba dahuluk ho nia lala’ok ritual no hamulak husi uma Lisan Carceto, Motai, Kamea, Lakoto Rambia Caicoili.
Hafoin hala’o hamulak tiha husi lia nain husi ema lisan sira, governante ne’e ofisialmente hatur fatuk dahuluk ba rai kuak hodi fó biban ba kompañia Shanghai Construction husi Xina hahú konstrusaun ba edifísiu foun PNTL iha Kaikoli. Edifísiu ne’e ho andar haat no moru haleu.
Ministru Defeza no Interior Interinu Filomeno Paixão hateten, harii edifísiu foun ba PNTL importante, tanba PNTL hala’o seguransa interna durante oras 24 ba komunidade.
“Edifísiu ne’e importante ba PNTL, tanba PNTL hala’o servisu 24 oras, PNTL mak garante seguransa interna. Tanba ne’e mak oitavu governu kaer nafatin politiku kontinidade la husik para fó apoiu ba PNTL hodi halo lalais konstrusaun edifísiu ida ne’e hodi nune’e sira bele hetan instalasoins no ambiente ne’ebé mak diak liu ba servisu hodi nune’e sira bele hala’o servisu ho diak”, esplika Ministru Defeza no Interior Interinu Filomeno Paixão, ba jornalista sira Sesta (10/01/20), iha Kuartel Jerál PNTL Caicoli Díli.
Alende ne’e Komandante Jerál PNTL Komisáriu Faustino da Costa hateten, konstrusaun Kuartel Jerál PNTL núdar projetu boot ida husi Estadu ho valor orsamentu miliaun sanulu , rihun ida hitu nulu resin hitu atus nen tolu resin ualu virgule sentavus rua nulu (10.177.638.20)
“Tuir planu estratéjiku dezenvolvolvimentu nasionál define katak bainhira to’o tinan 2011 to’o 2030, PNTL sei sai núdar instituisaun Estadu ida kredivel no konfiavel ho nia ekipamentu ne’ebé abansadu no modernu. Nune’e edifísiu ne’ebé mak ohin lansa sei sai fatin atu membru sira PNTL nian hala’o kna’ar ho responsabilidade no tuir metas ne’ebé temi”,dehan Faustino da Costa.
Tuir kontratu governu Timor-Leste ho kompañia Shanghai Construction China, kompañia ne’e sei finaliza konstruksaun edifísiu PNTL ne’e iha loron atus tolu nen nulu resin lima.
Marka prezensa iha seremonia ne’e, alende Ministru Defeza Interior Interinu Filomeno Paixão, Komandante Jerál PNTL Komisáriu Faustino da Costa, Segundu Komandante Jerál PNTL Komisáriu Mateus Fernandes, Secretário de Estado de Terras e Propriedades Mário Ximenes, no komandante sira husi munisípiu balun no komunidade.

Lee hotu :   Ema hetan mate-isin bebé ida iha Tasi-tolu

Komunidade afetadu 10 seidauk hetan indemnizasaun
Maske governu hala’o ona lansamentu primeira pedra ba konstrusaun edifísiu PNTL, maibe komunidade afetadu ba konstruksaun ba edifísiu PNTL hamutuk uma kain 10 iha Caicoli Rambia seidauk simu indiminizasaun husi Governu.
Ba problema indemnizasaun ne’e, Faustino da Costa hateten iha loron lima fulan Marsu, Ministériu Justisa hasai ona notifikasaun ba Família uma kain hitu simu ona indiminizasaun hodi hamamuk fatin refere, maibé realidade komunidade sira la kumpri no Família uma kain 10 la koopera ho Estadu hodi husik fatin ne’e mamuk, tanba governu seidauk rezolve sira nia estatu rai ne’ebé sira hela ba.
“Família hitu mak simu osan indemnizasaun husi Governu ho total 32.733.56, maibé seidauk sai husi fatin ne’e. No Família sanulu mak seidauk simu indemnizasaun husi governu ho osan 265.859.65 para hodi selu sira”,dehan Faustino da Costa.
Xefe Suku Caicoli, Hipolito Marques Sarmento, hateten, indemnizasaun ne’ebé mak governu fó ho dolar rihun sanulu, la sufisente ba komunidade afetadu sira atu uza hodi sosa rai hodi hari fali sira nia uma, maibé komunidade kontinua koopera.
“Ha’u sente diskontente tanba komunidade ne’ebé mak afetadu ba projetu uma kain 10, hela deste Portgues nia tempu, tanba ne’e ho osan indemnizasaun dolar rihun sanulu ne’ebé mak governu fó ba sira la to’o hodi sosa rai no harii uma foun ruma”,dehan Hipolito Marques Sarmento.avi

Add to Comments Here!!!!

error: Content is protected.
Secured By miniOrange
You might also like:
SETP: Komunidade okupa rai Estadu sei la hetan indemnizasaun

Sekretáriu Estadu Terras no Propriedade (SETP),...

Governo ameaça não apoiar vítimas de desastres naturais em zonas de risco

O Secretário de Estado da Proteção...

Semana oin hahú debate proposta OJE 2020

Parlamentu Nasionál (PN), termina ona faze...

Close