JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MDI: Sei aplika zero toleránsia ba eis GAM

MDI: Sei aplika zero toleránsia ba eis GAM

Ministru Defeza  no Interior (MDI) Interinu Filomeno Paixão, sei aplika zero toleránsia ba aktu krime ne’ebé envolve  husi eis Grupu Arte Marsiál (GAM) sira.

Filomeno Paixão hato’o lia hirak ne’e, relasiona ho kazu tentativa omisídiu, ne’ebé mak ikus-ikus ne’e akontese iha kapital Díli no iha munisípiu balun  ema kaer sasan kroat hodi  hakanek  no habadak ema seluk ninia vida iha estrada no iha bairu sira.

Ho akontesimentu hirak ne’e, Filomeno Paixão, senti lamentavel tebes  hodi deklara  ba oin  sei aplika zero toleránsia  ba  aktu krime ne’ebé mak deskonfia envolve eis artemarsiál sira.

“Agora artemarsiais  ne’ebé mak oho malu ne’e la’os artemarsiais kriminozu,  para kriminozu toleránsia zero labele halimar”,esplika Ministru Defeza no Interior Filomeno Paixão, liu husi  diskursu iha seremonia  selebrasaun loron Herois iha loron 31 fulan Dezembru tinan 2019  iha Osuariu munisípiu Liquiça Villa.

Governante ne’e dehan, artemarsiais ne’e arte  seni beladiri treinu hodi  ba aprezenta sira nia talentu iha mundu hodi bele  manan premiu.  Ne’e mak dehan artemarisiais.

“Ba buka oho malu iha Leorema ba  iha  Sarre Liquiça, depois to’o iha Díli hodi kria instabilidade  total, ne’e krimi organizadu violentu”,dehan Filomeno Paixão.

Alende ne’e  rezulusaun Governu númeru 16/2013, desidi  taka ona eis artemarisial tolu hanesan Persaudaran Setia Hati (PSHT), Kmanek Oan Rai Klaran (KORK)  no Ikatan Kera Sakti (IKS) No,lei númeru 5/2017 armas brankas  fó kompetensia ba PNTL no F-FDTL atu kaptura membru eis artemarsias  mak deskonfia   kria instabilidade no halo aktividade treinu subar-subar.avi

Lee hotu :   Komando PNTL kontinua buka tuir suspeitu ta’a ajente polísia Inacio

Add to Comments Here!!!!

error: Content is protected.
Secured By miniOrange
You might also like:
Membru F-FDTL no PNTL baku malu tan, MDI sei duni sai

Ministru Defeza  no Interior Interinu, Filomeno...

Omenajen ikus ba saudoza Albina Marçal PN senti lakon tan figura diak ida

Parlamentu Nasionál (PN) Organiza sesaun solene,...

Dom Virgílio : Dialogu bele ultrapasa impase politiku

Arsebispu Dom Virgílio do Carmo da...

Close