Membru Tránzitu labele halo kobransa ilegal

Adjuntu Xefe Departementu  Tránzitu   no Seguransa  Rodoviária Nasionál Inspetór  Afonso da Silva,  husu membru Tránzitu atu prevene a’an husi kobransa  ilegal husi motorista sira.

Inspetór  Afonso da Silva hato’o lia hirak ne’e relasiona  ho prekupasaun   ne’ebé mak hato’o husi  estudante no komunidade sira  wainhira  liu husi palestra.

Ho  preukupasaun hirak ne’e,  segundu komandante  Tránzitu nasionál , husu komunidade atu hatoo keisa  karik haree  membru  Tránzitu ruma komete iha aktu kobransa ilegal ba motorista sira atu nune’e bele submete ba prosesu investigasaun ba membru  ne’e.

“Dala barak ha’u halo palestra  ho estudante   no komunidade sira, ita nia komunidade sira kestiona dehan kobransa ilegal, maibé laiha keisa”, esplika  Adjuntu Xefe Departementu  Tránzitu   no Seguransa  Rodoviária Nasionál Inspetór  Afonso da Silva Afonso da Silva,  ba jornalista sira  Kuarta (08/01/20) iha salaun enkontru komando PNTL munisípiu Díli.

Nia  husu  ba komunidade  karik hetan  membru Tránzitu halo kobransa ilegal iha terenu  husu  atu informa ba sira nia komandante hodi  foti medida ba pesoal ida ne’e.

Tamba Kobransa  ilegal hanesan aktu korrupsaun ida , sé Polísia servisu ladiak entaun ténki keisa, sé laiha keisa ami servisu normal hela”,dehan  Afonso da Silva.

Tuir  tabela infrasaun  bazeia ba dekretu lei kodigu estrada   númeru 6/2003, sé mak kondus motorizada no kareta, bainhira komesa infrasaun, Polísia sei aplika multa hodi haruka ba selu iha banku.avi