JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TDD adia kazu eis Sekretáriu Estadu SEFOPE

TDD adia kazu eis Sekretáriu Estadu SEFOPE

Tribunál Distritál Díli (TDD), iha Segunda, loron 27, fulan ne’e, adia kazu partisipasaun ekonómia negósiu, falsifikasaun dokumentu no burla agravadu, ne’ebé komete husi arguidu na’in 12, inklui eis Sekretáriu Estadu SEFOPE, ho inisiál BDSF.

Kazu ne’e, tribunál adia ba loron 2, fulan Outubru, tinan ne’e, tanba ajenda juíz koletivu nakonu, inklui mós iha sala julgamentu la marka prezensa husi prokuradora titular ba prosesu refere.

Iha sala julgamentu, juiza prosesu deklara mós katak, iha loron adiamentu ne’e mak foin lee sai akuzasaun husi Ministériu Públiku (MP) no rona deklarasaun husi arguidu sira.

Hafoin rona tiha tribunál, defeza no arguidu sira mós aseita, hodi hala’o fali julgamentu iha loron ne’ebé marka ona.

Tuir faktu katak, MP akuza arguidu BDSF komete krime partisipasaun ekonómia no negósiu, ne’ebé previstu iha artigu 299, husi kódigu penál Timor-Leste, arguidu JMDCS mós komete krime partisipasaun ekonómia, arguidu JAXC komete krime falsifikasaun dokumentu ne’ebé previstu iha artigu 305, kódigu penál.

Arguidu sira ne’ebé komete krime burla agravadu previstu iha artigu 267 mak hanesan ADFVX, JDC, NJ, RMDCP, VDCDC, CPCC, FDSC, HAT no MT.

Arguidu sira komete krime ne’e, relasiona fundu transferénsia públiku alokadu iha Diresaun Nasionál Empregu atu harahun ka hadi’a uma Estadu ne’ebé hetan estragus iha tinan 1999 no tinan 2006.

Serbisu refere tuir planu entrega ba komunidade iha área rurál no governu sei selu loron ida ho valór USD3, fundu transferénsia públiku ho montante USD1,309, 967.17 prepara tuir planu no BOQ ne’ebé iha.

Husi prosesu ne’e, la’o la tuir nia dalan, tanba ne’e ikus mai arguidu sira hanesan Funsionáriu Públiku no kompañia na’in fó prejuízu ba Estadu USD377, 069.46.

Lee hotu :   PNTL prontu fó seguransa ba komemorasaun 12 Novembru

Julgamentu ne’e, prezide husi Juíz Prosesu, juiza Albertina Neves, MP repezenta husi Prokuradora, Lídia Soares, arguidu sira hetan asisténsia legál husi Advogadu Privadu no Defensór Públiku, Eustaquio Guterres. san

Add to Comments Here!!!!

error: Content is protected.
Secured By miniOrange
You might also like:
Isu virus corona tama TL, Élia : Povu labele pániku, tanba seidauk eziste iha Timor

Vise Ministra Saúde interina, Élia dos...

Antisipa virus corona tama TL, MS distribui mákina Termo Focus iha pontu Entrada sira

Atu antisipa virus corona da’et mai...

PN preokupa komunidade sempre sofre ba inundasaun

Reprezentante povu iha uma fukun Parlamentu...

Close