Tinan ne’e Lere reforma, kontinua ba vida polítiku

Kargu Xefe Estadu Maior  Jeneral FALINTIL-Forsa Defeza Timor-Leste (F-FDTL)   Majór Jenerál Lere Anan Timur, sei remata iha fulan Outobru, tinan  ne’e. Tanba ne’e Lere dehan, nia sei fila-fali ba vida polítiku. 

“Agora kandidatu Prezidente Repúblika ne’e matenek barak, sira barak mai koalia ha’u sai Prezidente ka lae ha’u atu kandidatu ou lae, tanba agora ha’u sei militar, mas kuandu ha’u sai husi vida militar ha’u polítiku duni”,esplika Xefe Estadu Maior  Jeneral FALINTIL-Forsa Defeza Timor-Leste (F-FDTL) Majór Jenerál Lere Anan Timur, ba  jornalista sira  Domingu (12/01/20) iha seremonia aniversáriu Komponente Naval Hera.

Lere dehan, nia estatu Estadu  no governu extende ona bad ala rua, agora kompleta tinan ualu.

“Iha fulan outobru  mai ha’u nia funsaun hanesan Xefe Estadu Maior Jeneral  forsa  armada remata  ona pelomenus  ha’u serve   ona  povu iha Timor-Leste mais de tinan hat nulu resin hitu nia laran, ha’u  nia intensaun atu alerta atu kaer metin valor  ne’ebé mak ha’u temi tiha ona  atu  nune’e bele serve didiak rai no povu ida ne’e  hodi valoriza no dignifika  heroi no veteranus  sira nia esforsu  no sakrefisiu”,dehan Lere Anan Timur.

“Ha’u apela  mós ba ofisiais  foun sira foin sae jerasaun foun konfia imi nia a’an  imi mós bele  naran imi esforsu imi nia a’an  kapasita imi nia a’an  hametin imi nia bloku de komando   iha imi nia komando rasik. Hamanas nafatin imi  nia esperitu patriotimus  hodi hadomi imi nia rai no imi nia povu  ne’ebé make ma barak fakar ran ba rai doben ida ne’e”,dehan Lere Anan Timur.avi