Unidade Espesial Polísia (UEP) reativa operasaun la’o ain iha tempu kalan hodi prevene aktu krime iha kapital Díli.
Abertura operasaun ne’e husi Komandante Unidade Espesial Polísia Superintendente Xefe Afonso dos Santos, Tersa (21/01/20), mais ou menus tuku 08 kalan oras Timor-Leste, iha Bairu-Pite Díli.
Afonso dos Santos, hateten, operasaun ne’e hala’o relasiona ho kazu tentativa omisídiu rezulta membru PNTL ida hetan tá iha Aimutin, Díli, foin lalais ne’e.
“Ha’u hanoin operasaun ne’e hala’o, tanba orientasaun husi komandante Jerál PNTL ne’ebé mak ohin fó ba komandante UEP, hahú ohin kalan UEP sei apoiu tomak ba komando PNTL munisípiu Díli, atu halo prevensaun ba aktu krime ne’ebé mak ema hala’o ba membru PNTL ho F-FDTL”,esplika Komandante Unidade Espesial Polísia Superintendente Xefe Afonso dos Santos, ba GMN iha Kuartel UEP Bairu-Pite Díli.
Membru Unidade Espesial Polísia ne’ebé mak envolve iha operasaun kalan ne’e husi mai Batallaun Orden Públika, no sei envolve mós Komando Operasaun Polísia Espesial inklui membru Seksaun Anti Terrorizmu.avi
