JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Espíritu FALINTIL nakonu ho onra no glória ■Lere: F-FDTL tenke ka’er metin prinsípiu militár

Espíritu FALINTIL nakonu ho onra no glória ■Lere: F-FDTL tenke ka’er metin prinsípiu militár

Prezidente Repúblika (PR), Francisco Guterres Lú Olo, hatete, komemora loron transformasaun FALINTIL ba FALINTIL-Forsa Defeza Timor Leste (F-FDTL), ba dala 19, importante tebes hodi rekoñese no tane aas nafatin prinsípiu, valor no lisaun sira ne’ebé  kombatente FALINTIL  sira husik hela, hanesan espíritu ida ne’ebé nakonu ho ónra no glória.

“Ohin ha’u hakarak saúda mós ita-nia aaswain kombatente libertasaun nasionál, tanba  nasaun ne’e hamriik ho sira. Nu’udar Prezidente Repúblika, no Komandante Supremu, ha’u hato’o komprimentu ba imi hotu  ne’ebé sei ativu hela iha ita-nia forsa defeza, ha’u fó parabens ba imi nia profisionalizmu no dedikasaun tomak hodi servi rai ida ne’e, ba imi-nia esforsu hakbesik-aan  ba sidadaun sira no tane aas ita nia interese nasionál”, hatete Lú Olo iha nia diskursu ba komemorasaun loron  transformasaun Falintil ba F-FDTL, Domingu (02/02/2020) iha Kuartel Jeneral F-FDTL Fatuhada, Díli.

Xefe Estadu ne’e  akresenta,  Falintil-FDTL harii iha tinan 19 liu ba, presiza hanoin hikas kona-ba dalan naruk ne’ebé liu ona to’o ohin loron, hodi buka kompriende kona-ba dalan sira ne’ebé hili, hanoin klean kona-bá tempu ohin nian, no oinsa la’o ba oin hodi hadi’a ba bebéik instituisaun ida ne’e.

Lú Olo fundamenta, istória Falintil FDTL nian kahor ho istória harii rain timor no nia identidade nasionál, nune’e iha istória ida deit mak, luta ba independensia no  liberdade, istória ne’ebé gloriozas Falintil halo ho ligasaun metin ba povu no rai, ba komunidade no rai lulik  ne’ebé ema hotu jura atu defende.

“Espíritu Falintil nian nakonu ho onra no glória, legadu ida ne’e mak sira husik hela mai ita, tanba ne’e, importantes tebes rekoñese no tane aas nafatin prinsípius , valores no lisaun sira ne’ebé kombatente sira Falintil nian husik hela mai ita, ita tenke hatutan legadu ida ne’e ba jerasaun tuir mai, ba ukun-nain sira no sidadaun sira, ba profesór sira no estudante sira, ba inan aman no oan sira”, afirma Lú Olo.

Lee hotu :   Filomeno Paixão: Lista kobransa ilegál submete ona ba CAC ■ Karimbu ida folin USD 400

Nia hatutan tan, Timor-oan hotu nia obra, nu’udar Timor-oan, iha dever atu fó onra ba ninia legadu no hatene oinsa uza legadu ne’e hodi lori ba futuru diak.

“Ho onra bo’ot tebes mak ha’u mai iha ne’e, hodi selebra hamutuk loron Falintil-FDTL ho ita bo’ot sira, nu’udar Prezidente Repúblika  no Komandante Supremu, tanba ne’e,  hamutuk ho imi, ha’u hakarak hato’o hotu-hotu nia respeitu no omenajen ba maluk militar sira hotu, hamutuk ho imi ita hanoin hikas sakrifísiu husi ita-nia povu no husi ita-nia kombatentes  libertasaun nasionál”, tenik Lú Olo.

Iha komemorasaun ne’e mos Xefe Estadu atribui promosaun diviza ba membru F-FDTL hamutuk nain 8 husi major ba tanente koronel no husi tanente koronel ba koronel.

Lere: F-FDTL tenke ka’er metin prinsípiu militár

Xefe Estadu Maiór FALINTIL-Força Defesa de Timor-Leste (F-FDTL), Majór Jenerál Lere Anan Timur hateten, atu garante paz no estabilidade, membru F-FDTL tenke ka’er metin prinsípiu militár, tanba F-FDTL mak hanesan defeza no seguransa iha rai-laran.

“Ohin ita komemora tinan aniversáriu F-FDTL nian ba dala 19, marka tan pájina istória signifikativa ida iha dezenvolvimentu ita nia forsa, ho apoiu husi Prezidente Repúblika hanesan komandante supremo das forsas armadas ni’an, husi Parlamentu Nasionál, Governu no país amigu hotu-hotu, ita la’o ba oin nafatin ho determinasun, ho ulun hateke ba oin, ho pasadu ne’ebé loloos no firme ka metin ba diresaun unidade nasionál nian ho lealidade abnegasaun no espíritu sakrífisiu atu garantia paz, estabilidade no prosperidade. Kondisaun importante ba ita-nia dezenvolvimentu país no ba konsolidasaun Estadu, maibé labele haluha mós katak paz ne’e mak reforsa konfiansa iha sosiedade, tanba wainhira laiha paz no estabilidade mak sei laiha dezevolvimentu, nune’e mós ba paz rejionál no mós paz global ne’ebé wainhira presiza”,.

Lee hotu :   PJR prosesa ona keixa Alkatiri kontra CNRT

“Dau-daun ne’e ita preokupa nafatin, maibé ladún máximu ona, tanba namkari hela, tanba de’it interese polítiku partidária sira ne’ebé ket-ketak, atu promove diálogu nasionál alargadu ida hodi hetan konsensu nasionál, nune’e ita kontinua fó liman ba malu nafatin hodi fó solusaun efikaz ba impase polítiku nasionál prolongadu ne’ebe ita hasoru, tanba iha dalan seluk ita-nia povu mak prejudikadu, invez de simu buat barak ne’ebé promete iha kampaña eleitoral sira liu ba. Ha’u husu fila-fali labele sai kontaminadu ho vírus ambisaun pesoál, ka’er metin naroman poder ni’an, halakon vingansa pesoál hodi hametin unidade”, Xefe Estadu Maiór F-FDTL ne’e liu husi ninia diskursu ba iha komemorasaun transformasaun Forças Armadas de Libertação Nacional Timor-Leste (FALINTIL) ba F-FDTL ba dala 19, iha Kuartel Jenerál F-FDTL, Fatuhada-Díli, Domingu (02-02-2020).

Nia akresenta mós katak, F-FDTL hanesan seguransa no defeza, nune’e tenke ka’er metin prinsípiu militár, hodi asegura estabilidade nasaun husi grupu oi-oin, tanba ne’e, membru F-FDTL rasik mós labele envolve-an iha Grupu Arte Marsiál (GAM).

Husu mós ba líder istóriku sira atu fó liman ba malu no promove diálogu, ho nune’e bele hakotu ona situasaun ne’ebé dau-daun ne’e nasaun enfrenta.

“Husu mós ba líder istóriku sira, atu hamutuk promove diálogu hodi hakotu impase polítiku ne’ebé agora dau-daun la’o hela, hodi haterus povu. Líder polítiku rezisténsia sira mós tenke hatudu maturidade polítiku, ba jerasaun foun sira, hodi dezenvolve Timor-Leste ida di’ak liu.oly/san

 

Add to Comments Here!!!!

error: Content is protected.
Secured By miniOrange
You might also like:
PR Lú Olo: Karta Xanana nian ha’u mak hatene ■Povu labele fiar boatus EA

Prezidente Repúblika (PR), Francisco Guterres Lú...

EA la garante atu solusiona impase polítiku  Ejize konsiensia líder nasionál sira

Deputadu bankada Partidu Demokratiku, Adriano do...

Diálogu ho fuan mak bele solusiona impase polítiku

Konfisoens Relijiozu sira iha Timor-Leste, ne’ebé...

Close