FM husu GAM hakruk ba lei númeru 5/2017

Diretór Ezekutivu Fundasaun  Mahein (FM), João Alemeida, husu Grupu Arte Marsiál (GAM) (PSHT) Persaudara Setia Hati (PSHT) no Ikatan Kera Sakti (IKS), Kmanek Oan Rai Klaran (KORK) no  arte ritual sete-sete atu  hakruk ba lei númeru 5/2017 armas brankas.

João Alemeida, mos konkorda ho governu revoga rezolusaun governu númeru 16/2013 hodi reativa eis Grupu Arte Marsiál (GAM) (PSHT) Persaudara Setia Hati (PSHT) no Ikatan Kera Sakti (IKS), Kmanek Oan Rai Klaran (KORK) no  arte ritual sete-sete.

João Almeida hateten,  dezde rezolusaun  governu númeru 16/2013, sai tuir Fundasaun Mahein  nia hare’e, implementasaun ba  rezulusaun ne’e  la efetivu,tanba grupu artemarsiál sira kontinua akontese no difisil atu kontrola husi líder artemarsiál tolu, hanesan PSHT, KORK, IKS no líder arte ritual sira.

 Tanba ne’e, Fundasaun Mahein  iha tinan 2014 no tinan 2015 husu  ba governu atu reativa artemarsial tolu no arte ritual,  atu nune’e fasil kontrola husi Komisaun Reguladór Artemarsial no tenki tau regras mós ba artemarsiál sira, inklui hakruk ba lei númeru 5/2017 arma brankas.

“Portantu lei númeru 5/2017 klaru katak bainhira uza ne’e tenki iha aktividade lei autoriza  katak aktividade ne’e hala’o iha nia sentru  iha aktividade  iha fatin treinamentu  no  utuliza iha tempu ida ne’e, maibé fora husi  ne’e lei númeru 5/2017 la autoriza. No aktividade hotu-hotu kontrola  husi Komisaun Reguladór Artemarsial. Tanba  ne’e kuandu reativa artemarsial tolu no arte ritual sira ténki kumpri ba lei númeru 5/2017”,esplika Diretór ezekutivu Fundasaun Mahein João Almeida ba GMN  Segunda (24/02/20) iha  nia kna’ar fatin Fomento Díli.

Governu  halo revogasaun  rezulusaun  governu númeru 16/2013 liu husi reniaun Konsellu Ministru iha loron 19 fulan ne’e iha Palásiu  governu.avi