Kazu Hera, suspeitu na’in 9 submete ona ba prosesu investigasaun

Komandante Polísia Nasionál Timor-Leste (PNTL) munisípiu Díli Superintendente Xefe Armando Monteiro, hateten, suspeitu nain sia  ne’ebé mak involve iha kazu krime  hodi sunu motorizada rua no estraga mini ofisina ida  iha Hera submete ona ba prosesu investigasaun

Ho aktu krime ne’e, Armando  Monteiro konsidera suspeitu sira des obdensia ba lei númeru 5/2017 no danu violénsia, tanba  halo asaltu ba  komunidade  Aldeia Hali-Dolar hodi sunu  motorizada rua no estraga mini ofisina ida. Tanba ne’e suspeitu sira  tenki submete  ba prosesu investigasaun.

“Suspeitu  ne’ebé mak  involve iha kazu ida  ne’e hamutuk ema nai’n 9  hahú horseik kedas  ita halo identifikasaun  prosesu  investigasaun la’o nain 9 ne’e  nain  3 minoridade  ita  husu  orientasaun husi Ministériu Públiku  husik hela  responsabilidade  ita akompaña nafatin no nain 6   kontinua submete ba prosesu  investigasaun iha sela detensaun durante oras 72”,esplika esplika Komandante PNTL munisípiu Díli Superintendente Xefe Armando Monteiro, ba  jornalista sira Sesta  (27/02/20), iha  nia kna’ar fatin Caicoli Díli.

Problema iha Hali-Dolar Hera akontese iha loron 27 fulan  ne’e, wainhira komunidade sira akompaña mate isin ida husi Díli atu ba Viquque, hafoin suspeitu  sira fila-fali hodi asaltu komunidade Hali-Dolar.avi