JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu tentativa omisídiu aman-oan iha Hera, TDD aplika medida rua ba arguidu sira

Kazu tentativa omisídiu aman-oan iha Hera, TDD aplika medida rua ba arguidu sira

Tribunál Distritál Díli (TDD), iha Kuarta, loron 19, fulan ne’e, liu husi tribunál singular hala’o prosesu Priméiru Interogatóriu (PI) ba kazu tentativa omisídiu no krime armas brankas ne’ebé akontese iha suku Hera, postu administrativu Cristo Rei, munisípiu Díli, Sábadu foin la-lais ne’e.

Arguidu sira ne’ebé involve iha kazu ne’e ho inisiál mak hanesan MS, AP, AR, MDS, CDADN, AS, JPDS no JP.

Arguidu sira ne’e deskonfia prátika krime tentativa omisídiu simples, ne’ebé previstu iha artigu 138 no lei númeru 5/2017, lei armas brankas hasoru lezadu AL ho ninia oan mane MGR.

Iha prosesu PI ne’e, Defeza, Gíl Amaral, hateten, medida ne’ebé Tribunál aplika ba ninia kliente sira mak hanesan, medida koasaun prizaun preventiva ba arguidu AP no MS, medi,da aprezentasaun periódika aplika ba inisiál AR, MDS, CDADN, AS, JPDS no JP.

Enkuantu arguidu ho inisiál JP Tribunál liberta totál husi krime ne’ebé arguidu halo, tanba arguidu rasik ho idade ki’ik, ne’ebé deskreve ona iha artigu 20, husi kódigu Penál Timor-Leste.

“Arguidu hamutuk na’in 9, arguidu na’in 2 hetan prizaun preventiva no na’in 7 seluk tribunál aplika medida aprezentasaun periódika, só ida mak liberta imediatamente, tanba nia idade ki’ik, relasiona ho prizaun preventiva ne’e tribunál fó razaun katak, iha testamuña balun no vítima mak temi diretamente arguidu na’in-rua nia naran no razaun seluk mak bazeia ba artigu 193 katak, sira sai kuandu lezadu ne’e sira iha viziñu, entaun bele hamosu tan krime foun, tanba ida ne’e maka sira hasa’i desizaun ba prizaun preventiva”, esplika Defeza ne’e.

Husi parte Defeza la konkorda ho desizaun tribunál ni’an, tanba arguidu sira hetan agresaun maka’as husi oknum polísia investigasaun iha prizaun Becora, tanba ne’e, parte Defeza sei hatama rekursu ba tribunál, prazu loron sanulu resin lima.

Lee hotu :   Joven ida ema taa iha Bebonuk

“Parte defeza la konkorda ho razaun katak, katana ne’ebé rán iha ba depois prosesu investigasaun ne’e la’o iha polísia, mak polísia kuandu baku arguidu nia rán sai, hafoin kose ba arguidu, hodi nune’e du’un de’it ba arguidu, arguidu sira ne’ebé ho idade ki’ik to’o sira ne’ebé tama prizaun preventiva ne’e, sira hetan baku husi membru polísia balun investigasaun ne’ebé mak nia asume kargu hanesan investigasaun iha Becora, nia mak baku arguidu sira to’o ran no kanek no ha’u sei hato’o keixa ba MP no PDHJ. Ba ha’u la konkorda totalmente, tanba investigasaun halo servisu ida ne’e hanesan ninia privadu, hodi hasa’i desizaun tuir nia gostu, át liu tan mak nia ran ne’e kose ba katana hodi kondena arguidu hanesan autór ba aktu ne’e”, kestiona advogadu privadu ne’e.

Entretantu kazu ne’e akontese iha suku Hera, postu administrativu Cristo Rei, munisípiu Díli, iha Sábadu foin la-lais ne’e.

Arguidu sira polísia postu Cristo Rei no Konsellu Polísiamentu Komunitáriu (KPK) no hetan apoiu husi Komponente Navál F-FDTL, konsege kaptura suspeitu sira iha área BRIMOB, suku Hera.

Nune’e suspeitu sira komandu polísia munisípiu Díli detein kedas durante oras 72, hafoin aprezenta ba TDD, hodi hala’o prosesu PI.

Prosesu PI ne’e, prezide husi Juíz Singular, Maria Solana, Ministériu Públiku (MP) reprezenta husi Prokuradór, Claudino do Rosário no arguidu sira hetan asisténsia legál husi Advogadu privadu, Gíl Amaral.san

 

Add to Comments Here!!!!

error: Content is protected.
Secured By miniOrange
You might also like:
KM aprova proposta lima aprezenta husi MRLAP

Konsellu Ministru (KM), aprova proposta lima...

Hakerek naran Xanana iha fatin públiku, Lere konsidera hamanas situasaun rai-laran

Xefi Estadu Maior Jeneral Falintil Forsa...

PD-PLP diskute solusaun ba forma Governu foun

Estrutura Partidu Libertasaun Popular (PLP), Kuarta...

Close