KomJer PNTL: GAM labele hala’o atividade tuir hakarak

Komandante Jeral (KomJer) Polísia Nasionál Timor-Leste (PNTL), Komisáriu Faustino da Costa, hatete, maske governu revoga ona rezolusaun 2013, hodi reativa Grupu Arte Marsiál (GAM), maibé la signifika fó dalan ba GAM sira hala’o  atividade tuir ida-ida nian hakarak.

“Ami dehan bebeik, maske rezolusaun 2013  nian revoga ka absolve katak, tenke  halo tuir  lei saida mak númeru 5 hateten, ida ne’e mós ha’u hatete, ba Prezidente Repúblika Francisco Guterres Lú Olo, lei númeru 5/2017 hateten, kualker arte marsial ne’ebé iha tenke  rejistu”, deklara Faustino ba Jornalista sira Kinta (27/02/2020), iha Palásiu Prezidensial Nicolau Lobaro Bairo Pité, Díli.

Nia subliña, “depois rejistu hotu mak foin bele halo atividade, maibé la’os tanba deit rezolusaun ne’e, governu revoga tiha, depois arte marsiál sira no arte ritual sira halo atividade tuir ida-ida nia hakarak ne’e la’e, no  la’os hanesan ne’e, tanba PNTL sei nafatin uza lei númeru 5/2017 hodi halo ninia atuasaun”.oly