JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere husu Governu tau matan ba “Piksy Mau” nia família

Lere husu Governu tau matan ba “Piksy Mau” nia família

Komandante  Divizaun Informasaun Militar, Jota 2, FALINTIL –Forsa Defeza Timor-Leste (F-FDTL) Majór  Moisés Guimarães “Piksy Mau”, hakotu iis, tanba moras komplikadu.

Majór  Moisés Guimarães- Piksy Mau hakotu iis, Kuarta (05/02/20) mais ou menus  tuku 4  ho balun loraik oras Timor-Leste,  iha nia rezidénsia Kampu Tuti.  Saudozu  mate husik hela nia fen no oan nain hitu feto nain hat mane tolu.

Iha Kinta (06/02/20)  oras meudia, família  sira lori  matebian  mai  iha Kuartel Jenerál F-FDTL  Fatuhada hodi fó omenazen   husi Ministru Defeza  no Interiór Interinu Filomeno Paixão  ho  líder masimu instituisaun F-FDTL Majór Jenerál Lere Anan Timur ho Brigadeiro nain hat  no  funsionáriu sira iha Ministériu Defeza.

Ministru Defeza no Interiór Interino Filomeno Paixão, lori oitavu  governu, konstituisionál nia naran hato’o sentidu kondelénsia ba família saudosu Piksy Mau.

“Majór nia kontribuisaun ba nasaun ne’e sai izemplu ba  ita hotu ba iha membru sira iha F-FDTL. Lori oitavu governu konstituisionál nia naran no lori ministériu Defeza no Interiór inklui Sekretária Estadu Protesaun Sivil nia naran hato sentidu kondelensia ba família saodoso Piksy Mau nian”,esplika Ministru Defeza no Interiór Interino Filomeno Paixão, Kinta (06/02/20) iha Kuartel Jenerál F-FDTL Fatuhada Díli

Alénde ne’e Xefe Estadu Maior Jenerál F-FDTL Majór Jenerál Lere Anan Timur, konsidera saudozu Moisés Guimarães- Piksy Mau, FALINTIL ne’ebé mak luta durante tinan 24  iha ai-laran, luta  hodi defende rai no povu  ida ne’e.

Tanba ne’e, wainhira nia hakotu ona iis, hodi husik hela instituisaun ne’e.

Lere Anan  Timur husu ba Governu atu tau matan ba faluk no oan kiak sira.

“Ha’u nia alin Piksy Mau uluk ami hamutuk iha ai-laran 24 anos, deste funu ne’e nia núdar komandante seksaun to’o funu hotu  forma F-FDTL nia sai Xefe Informasaun Jota 2 ninian”,dehan Lere Anan Timur.

Lee hotu :   2019 PNTL simu keixa husi komunidade kona-bá osan falsu

 Lere dehan, saodoso nia kontribuisaun durante tinan 24 ne’e la’os  oituan, maibé tempu naruk.

“Funu 24 ne’e kleur ami ne’ebé mak moris  ne’e hanesan milagre  ida mak sei moris ne’e, porque mate ne’e husi loron ba loron tutuir hela ami, maibé ami konsege moris  no horseik  nia hakotu nia vida  husik ami husik instituisaun ida ne’e”,dehan Lere Anan Timur.

Lider masimu instituisaun  F-FDTL  akresenta, saodoso nia moras ladun komplikadu.

 “Tanba  ita hotu-hotu hatene  ohin loron ne’e mate ne’e la’os  hanesan ita nia avo no inan  aman sira nia tempu, atu mate ne’e sei moras kleur ida ne’e ataka derepenti de’it, kabun moras lori ba hospital diak tiha mate”,dehan Lere Anan Timur.

Agora kestaun mak ne’e sira ne’ebé mate, governu ténki tau matan ba  faluk oan kiak sira.

“Ha’u nia alin Piksy Mau  nia ba tiha ona, agora governu ténki tau matan ba faluk oan kiak ne’e”,dehan Lere Anan Timur.

Lere mos husu ba Governante sira atu labele hadau malu kadeira, maibé presiza tau matan ba  veteranu nia oan kiak sira.

“Ha’u  husu ba governu kompri  promesa  ne’ebé mak halo, labele buka hadau malu de’it kadera, hadau bo’ot de’it ita baruk. Ha’u dhan katak, ha’u Jenerál ne’ebé pasiente sé  ha’u mak jenerál seluk-seluk karik  dala ruma  balun la moris ona iha Timor. Depois  ita Veteranu mak ukun de’it ne’e mak ha’u pasénsia Primeiru Ministru Veteranu, Prezidente mós Veteranu. Tanba  ne’e mak ha’u pasénsia, mas keta situasaun  aban bairu la hanesan ne’e karik, mas ha’u bele dehan ami bele moris  iha terus susar  hanesan ne’e mós ami iha pasénsia atu halo rai ne’e  ba oin”,esplika Jenerál Lere Anan Timur.

Lee hotu :   Mateus Fernandes: membru UEP ténki hatudu jagoan iha rai liur

Hafoin  fó omenajen ba saudozu Piksy Mau, família transporta kedas mate isin ba  Lore 1 munisípiu Lautem, hodi hader kalan tolu  hahú Kinta (06/02/20)to’o Sabdu (08/02/20) no iha Domingu (10/02/20) sei lori fila-fali saodoso husi Lautem mai  halot iha Jardim Herois Metináro Díli.

 Moisés Guimarães ho kódigu Piksy Mau moris iha Lore ida, Postu Administrativu Lospalos, Munisípiu Lautem iha loron 15 maiu 1963.  Moris husi família agrikultór João Baptista no Lorença Guimarães

Maun alin hamutuk nain 12. Sa’e ba ai-laran hamutuk ho maun alin nain tolu maibé sira nain tolu mate hotu, hela deit Piksy Mau ne’ebé reziste tinan 24 to’o Timor-Leste ukun rasik-an.

Iha 1974 to’o 1975, frekuenta eskola primária iha Lospalos.

 Invazaun Indonézia nian ba Timor-Leste iha 7 Dezembru 1975, husik nia la konsege finaliza nia estudu no hela deit ho 2 a klase.

No hahú tama ba Organizasaun Populár Juventude Timor (OPJT) no kontinua enkaixa kedan iha seguransa Auto Defeza Arma Branca  no evakua ba ai-laran halo rezisténsia to’o 1999.avi

Add to Comments Here!!!!

error: Content is protected.
Secured By miniOrange
You might also like:
PM Taur preokupadu ho estrutura RAEOA seidauk estabelese

Primeiru Ministru (PM), Taur Matan Ruak,...

Evakua ona bolseiru 17 husi Wuhan, Timor-Leste agradese ba Nova Zelândia

Primeiru Ministru (PM), Taur Matan Ruak,...

Xanana Gusmão-Retno Marsudi rezolve disputa fronteira TL- RI

Xefe Negosiador Principal, Kay Rala Xanana...

Close