Postu UPM balun kondisaun ladiak

Komandante Unidade Polísia Marítima (UPM) Superintendente Asistente Basílio de Jesus, hateten, postu  UPM  balun  kondisaun ladiak, tanba seidauk iha postu permanente ne’ebé mak halo hus instituisaun Polísia Nasionál Timor-Leste.

 “Segunda   horesik  enkontru ho komandante  jerál mós ha’u hateten ona ba sua exelénsia Komandante jerál PNTL katak, postu UPM  ne’ebé mak  ita estabelese  dala ruma  it abele dehan inkondisoins, inkondisoins tanba   postu ne’ebé mak  ita estabelese fatin laiha”,esplika Komandante Unidade Polísia Marítima Superintendente Asistente Basílio de Jesus, ba  jornalista sira  Tersa (25/02/20) iha Kuartel UPM Sionál Díli.

Postu sira ne’ebé  mak nia kondisaun ladiak ne’e mak hanesan iha postu Com, ne’ebé mak UPM uza fatin edukasaun nian, no postu Atabae UPM uza kampaun UN nian.

“Agora  postu UPM iha Oecussi  momentu ne’ebá Prezidente ZEESM fó fatin ida ba ita  uza hodi hala’o servisu  iha ne’ebá. Depois iha loron tolu ba ha’u simu informasaun husi  komandante Postu Mota-Masin Covalima besik tasi ibun kondisaun grave tebes, tanba wainhira akontese udan boot be’e tama uma-laran, ita nia membru sira kalan rekua ba toba iha komunidade nia uma, kestaun ne’e ha’u fó hatene ona ba komandante jerál PNTL atu hatoo ba iha parte governu atu bele halo ona postu UPM iha fatin sira ne’ebé mak  ita estabelese”,dehan Basílio de Jesus.avi