PR Lú Olo dezeja susesu ba Lere no husu kaer metin instituisaun F-FDTL

Prezidente  Repúblika (PR), Francisco Guterres Lú Olo, hato’o   votus susesu ba Xefe Estadu Maior Jeneral F-FDTL, Maijor Jeneral Lere Anan Timur, ne’ebé selebra aniversáriu ba dala 68 iha loron 2 fulan Fevereiru tinan  ne’e, no mós dezeja susesu nafatin iha misaun hodi kaer metin instituisaun F-FDTL.

“Ho 68 anos ne’e  katuas ona, mais nia halo perkursu naruk ida ké tama ba forsa armada to’o agora, ha’u hanoin ho  68 anos ne’e maduru liu tan para atu kaer intituisaun ne’e nafatin, para kumpri mós nia misaun ne’ebé nia halo hahú kedan iha FALINTIL hodi to’o agora”,  deklara Lú Olo ba Jornalista sira Domingu (02/02/2020) iha Kuartel Jeneral F-FDTL.

Xefe Estadu ne’e, dejeza tinan naruk  ba Maijor Jeneral Lere Anan Timur, no susesu iha misaun no kareira, no Maromak haraik nafatin bensaun bo’ot ba Lere atu kontinua nia vida ba oin.oly