JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Prevene vírus Corona tama TL, MS monta ona ekipa iha fronteira Mota-Ain

Prevene vírus Corona tama TL, MS monta ona ekipa iha fronteira Mota-Ain

Ministériu Saúde (MS) monta ona nia ekipa iha  fronteira Mota-Ain, hodi  kontrola movimentu ema  estranjeiru tama-sai iha liña fronteira entre Timor-Leste ho Indonézia hodi prevene vírus Corona tama mai Timor-Leste.

 Alende ne’e organizasaun Internasionál World Health Organization (WHO) monta ona tenda rua, iha fronteira Motain, hodi fó tratamentu ba ema sira karik iha sinál ruma  deskonfia ba vírus Corona.

Fasilidade sira mak iha tenda –laran mak hanesan toba fatin  ho sumasu, maka no sasan seluk tan.

Diretór   Servisu Saúde  munisípiu Bobonaro, João  Cardoso, hateten, atu antesipa vírus Corona Timor-Leste liu husi fronteira Mota-Ain mak,  Ministériu Saúde iha loron 30 fulan Janeiro tinan  ne’e  monta ona ekipa saúde ho ekipamentu termu skinner  iha fronteira Mota-Ain,  hodi koko ema sira ne’ebé mak tama sai fronteira Motain.

João  Cardoso dehan, durante  monta  instala ekipa servisu saúde iha fronteira,  ekipa saúde  seidauk detekta ema ruma kauza vírus Corona.

Karik detekta ema ruma hetan  sintoma deskonfia liga ba vírus Corona, ekipa saúde  sei evakua ema ne’e mai Díli hodi izola iha Hospital Nasionál Guido Valadares hodi hala’o tratamentu durante loron 14.

“Ita  só halo de’it aktividade prevensaun balun,  saída mak  ita halo Ministériu  Saúde  ho ajensia saúde Mundial apoiu ona ekipamentu termu scener depois ho format balun, wainhira ema tama mai ténki deklara nia  moras ruma ka lae, depois sira entrega mai ita hodi hare’e, depois  husi termu scener  ita kuandu le’e ema ruma  ho ema rua nia isin  ne’e temperatura isin ne’e liu husi 38.50 ba leten, entaun  ita prepara ona  tenda iha fronteira depois  hodi hein ambulansia ruma iha Díli hodi foti ba Hospital Nasionál Guido Valadares (HNGV) hodi tau iha fatin ne’ebé mak preparadu ona  hodi   hein 14 dias molok sir abele  integra fali ba sira nia família”, esplika Diretór   Servisu Saúde  munisípiu Bobonaro João  Cardoso, ba GMN Kuarta (05/02/20), iha Motain.

Lee hotu :   KomJer PNTL: Autór tenta xoke aviaun ho motorizada ne’e grupu organizadu

Vírus Corona akontese iha Wuhan Xina, ne’ebé mak hamate ona ema barak no vírus refere da’et ona ba nasaun Aziátiku no Eropa balun.

Faustino alerta ba UPF antesipa vírus Corona

Komandante Jerál Polísa Nasionál Timo-Leste (PNTL) Komisáriu Faustino da Costa, alerta ba  membru Unidade Patrullamentu Fronteira (UPF)  atu antesipa ho moras virus Corona, hodi labele tama iha liña fronteira.

Vírus Corona hamate  ona ema barak   iha Huwan  Xina,   no virus  ne’e, komesa da’et ona ba nasaun Aziátiku no Eropa.

Relasiona ho virus Corona ne’e, Komandantente jerál PNTL Komisáriu  Faustino da Costa iha Kuarta (05/02/20) hala’o vizita  iha postu UPF  kompaña  Alfa, munisípiu Bobonaro, hanesan iha fronteira Mota-Ain, Badut Mean,  Nunura, Memo no  postu Mozon     hodi  informa,  ba membru Unidade Patrullamentu Fronteira atu antesipasaun no halo prevensaun ba vírus Corona, labele tama iha nasaun ne’e.

“Objetivu ha’u nia vizita ida  ne’e, ita hotu akompaña situasaun ita nian  iha rai-laran depois mós situasaun ida ohin, la’os Timor-Leste de’it mak preokupa.  Ita akompaña  iha semana liu ba kedas governu mós prepara halo antesipasaun  oinsá  ita halo prevensaun  ba moras sira ne’ebé mak sai preokupasaun bo’ot”,esplika Komandante Jerál PNTL Komisáriu Faustino da Costa, ba GMN  Kuarta (05/02/20) iha Postu UPF Mozon Maliana.

Iha vizita komisáriu ne’e hala’o mós enkontru ho Diretór Saude munisípiu Bobonaro no Xefe postu integradu iha Motain, oinsá atu halo mós prevensaun ba vírus Corona.

“Ita boot sira hare’e fatin ijolamentu husi organizasaun mundial  ne’ebé mak iha, maibé liu husi enkontru ne’e  hotu-hotu aprezenta, maske sira hala’o hela servisu, ba  iha parte ida ne’e liga ho ema Indonézia  ne’ebé mak  tama mai ita nia fronteira, agora kondisoens mínimu mós laiha, por ezemplu masker laiha, lubas laiha”,dehan Lere Anan Timur.

Lee hotu :   PM Taur orienta MD-MJ hamutuk kombate krime organizadu ■ PNTL husu ema hotu kontribui informasaun

Iha vizita Komandante  Jerál PNTL komisáriu  Faustino da Costa, akompaña husi Inspetór Jerál PNTL Superintendente Xefe Carlos Jeronimo,  Komandante UPF Superintendente João  Belo.

Tuir planu vizita komandante Jerál PNTL  ne’e sei hala’o mós ba membru UPF sira iha kompaña  Bravo Covalima,  no kompaña Carly iha Oecussi.avi

 

Add to Comments Here!!!!

error: Content is protected.
Secured By miniOrange
You might also like:
MTK hapara traballadór na’in 23

Ministru Transporte no Komunikasaun (MTK), José...

Lere husu Governu tau matan ba “Piksy Mau” nia família

Komandante  Divizaun Informasaun Militar, Jota 2,...

PM Taur preokupadu ho estrutura RAEOA seidauk estabelese

Primeiru Ministru (PM), Taur Matan Ruak,...

Close