PTR lakohi esklarese kestaun AMP nian ba públiku

Prezidente Tribunal Rekursu (PTR), Deolindo dos Santos, hateten, nia hatene ona kestaun balun  kona bá koligasaun Aliansa Mudansa ba Progresu (AMP) nian, maibé nia lakohi esklarese ba públiku.

Deolindo haktuir,  maske koligasaun AMP ne’e legal, maibé iha  kesatun polítiku  barak, tanba ne’e, hanesan Prezidente Tribunal Rekursu, Deolindo lakohi atu fó oponiaun ruma kona bá koligasaun AMP, nian,  maske nia rasik hatene ona kestaun balun  kona-ba koligasaun  AMP ne’e rasik.

“Kona-ba ida ne’e ha’u sempre dehan ba ita bo’ot sira katak, ne’e kestaun ne’ebé lao iha diskusaun hela, kestaun legal,  maibe balun kestaun polítiku mak barak liu iha laran, entaun ha’u nu’udar Prezidenti Tribunal Rekursu, ne’e asume hela supremu tribunal nia kompetensia, ha’u labele emite ha’u nia opiniaun antesipadamente kona-ba kestaun ida ne’e, mesmu ké  hanesna ita bo’ot sira hatene ha’u hatene buat balun, faktus no solusaun, ha’u nu’udar juiz hatene”, dehan Deolindo dos Santos ba Jornalista sira, iha Palasiu Prezidensial Nicolão Lobato, Bairo Píte, Díli. Segunda (17/02/2020).

Nia subliña, nia labele emite nia opiniaun, tanba hanoin husi abordajen ne’ebé Prezidente Repúblika, halo ho polítiku na’in sira, sei to’o iha konkluzaun ruma mesmu hakarak atu hatene opiniaun legal balun husi nia, maibé nia sempre rezerva katak, mesmu opinuan legal maibé nia labele emite agora.

“Enkuantu buat sira ne’e sei la’o hela iha ne’eba. Ha’u rasik  ita hotu ba povu tomak tenke hein bainhira mak solusaun ne’e iha, no iha momentu balun lori ba Tribunal karik, Tribunal sei hatete buat balun kona-bá ida ne’e, enkuantu laiha ha’u labele hatete”, katak Deolindo.oly

 

Leave a Reply

Your email address will not be published. Required fields are marked *