JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sergio Hornai: KAK presiza estratejia komabate korrupsaun

Sergio Hornai: KAK presiza estratejia komabate korrupsaun

Komisariu Komisaun Anti Korrupsaun (KAK), Sergio Hornai, informa, KAK  presiza estratejia hodi kombate Korrupsaun Koluzaun Nasionál (KKN).

“Ita presiza iha planu estratéjiku ida, liu-liu ita bolu dehan estratéjia nasionál ba iha kombate korupsaun, entaun konferensia  ida ne’e ita sei bolu oradór sira, mai husi ita-nia nai ulun sira órgaun soberania Estadu ninian, nune’e mós husi instituisaun relevante sira, ne’ebé durante ne’e fó sira-nia atensaun ka preokupasaun ba iha setór justisa, boa governasaun, no mós ba oinsa mak hametin konsilidasaun Estadu  ida ne’e ninian”, akresenta Sergio Hornai.

Nune’e Sergio Hornai mos informa, KAK simu ona resposta pozitivu husi Prezidente Repúblika (PR),  Fancisco Guterres Lú Olo,  atu partisipa iha konferénsia nasionál KAK nian ne’ebé sei hala’o iha fulan Fevereiru, tinan ne’e.

“Ami mai komplementa sua selensia Prezidente Repúblika, tanba iha tinan ida ne’e, loron 22 fulan Fevereiru, sei iha loron komemorasaun Komisaun Anti Korupsaun ninian, nune’e uza oportunidade ida ne’e hodi bele mai konvida sua selensia Prezidente Repúblika, para bele hola parte iha  konferensia nasionál ne’ebé KAK sei halo iha loron 24 to’o loron 25 fulan Fevereiru tinan ne’e”, dehan Sergio Hornai ba Jornalista sira Tersa (18/02/2020), hafoin remata enkontru ho  Xefe Estadu, iha Palásiu Prezidensial Nicolau Lobato Bairo Píté Díli.

Sergio hatutan, konferensia nasional ne’e importante  tebes, tanba hanesan Estadu, depois tinan 17 independensia, KAK tenta atu buka hatene ninia instrumentu hotu-hotu ne’ebé mak KAK iha, alende lei sira ne’ebé mak iha, para bele ingia servisu KAK nian.

Iha sorumutu ne’e mós, estrutura KAK hato’o hanoin balun, ne’ebé iha relasaun ho dezenvolvimentu iha instituisaun KAK nian ba Prezidente Repúblika, atu akompaña dinámika evolusaun ne’ebé mak iha, iha material ne’ebé limite  Xefe Estadu atu hatene kona-ba servisu KAK nian, to’o iha ne’ebé no forsa ne’e iha ne’ebé, no karik ba oin atu halo oinsa.

Lee hotu :   Pakote rua ba KomJer PNTL, Faustino ho Mateus kompete Hornay ho Afonso

“Pozitivu tebes, Prezidente Repúblika kompremetidu no deklara ofisialmente iha reuniaun ne’e, sei hala’o abertura ba konferensia nasionál”, tenik Sergio.oly

Add to Comments Here!!!!

error: Content is protected.
Secured By miniOrange
You might also like:
FRETILIN hakribi EA, Alkatiri: Ba ho CNRT hanesan oho-an

Sekretáriu Jerál Frente Revolucionário de Timor-Leste Independente...

Ta’a kanek ema iha Becora, PNTL detein ona suspeitu na’in rua

Polísia Nasionál Timor-Leste (PNTL) husi Eskuadra...

José Luis Oliveira: Governu foun bele propoin Primeiru Ministru foun

Diretór  Ezekutivu  Asia Justice and Rights,...

Close