JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TR kondena Calisto Gonzaga pena suspensaun tinan tolu

TR kondena Calisto Gonzaga pena suspensaun tinan tolu

Tribunal Rekursu (TR), liu husi leitura akordaun kondena arguidu Calisto Gonzaga ho pena tolu, suspende ba tinan hat, tuir artigu 160 númeru 1 no 2 kona-bá Sequestru, husi kódigu penál Timor-Leste.

TR nia desizaun finál ne’e mós tuir artigu 56 no 57, husi kódigu penál Timor-Leste, hodi minimiza pena suspensaun ne’ebé tribunál rekursu deside.

Ho nune’e, Defeza husi arguidu, Sergio Quintas, hateten, nu’udár defeza la satisfaz ho desizaun TR ni’an, tanba desizaun refere hanesan tendénsia husi parte balun ba TR, hodi foti desizaun tránzitu enjulgadu.

“Ha’u la aseita kona-bá desizaun TR ni’an, tanba iha tendénsia balun husi liur, influénsia transmitasaun prosesu iha tribunál, kazu ida ne’e la’ós hamri’ik mesak de’it, sé autoridade judisiáriu, liu-liu Ministériu Públiku (MP) mak ho seriedade haree prosesu ida, arguidu bele hetan absolvisaun, la’ós hetan kondenasaun, nia hetan absolvisaun bazeia ba artigu 57 KP”, defeza husi arguidu ne’e ba jornalista sira iha TR, Caicoli-Díli, Kuarta (19-02-2020).

Nia akresenta, nia parte la satisfas ho desizaun TR ba ninia kliente, tanba prosesu transmitasaun ne’ebé tarde ba kazu ne’e no kazu refere prosesu hahú iha tinan 2012, nune’e mós kazu ne’e rejista ho númeru Nuc:1227/12/PDDDIL to’o agora foin iha  desizaun finál.

Notifikasaun husi TR ba kazu ne’e, hahú husi loron 18, fulan Fevereiru, tinan 2020, iha tuku 10:00.

Relasiona ho prosesu ba kazu refere tarde, Defensór Públiku husu ba MP ba futuru prosesu kazu hanesan ne’e labele tarde, nune’e labele implika ba prosesu sira seluk.

TR nia desizaun finál ba arguidu Calisto Gonzaga ne’e, relasiona ho detensaun ilegál ba fujitivu droga na’in ha’at (4) husi Indonézia no sidadaun ida (1) husi Áfrika du Súl iha tinan 2012, tanba arguidu fasilita sidadaun estranjeiru na’in lima (5) ne’e hala’i se’es husi área juridisaun Timor ni’an.

Lee hotu :   TR simu ona pedidu fiskalizasaun abstrata FRETILIN ba LAP

Iha momentu ne’ebá sira hanesan suspeitu lori droga ho todan kilógrama 6,5, iha Hotel Sentrál no Hotél Boaventura-Díli.

Ho nune’e, tuir depoimentu husi MP akuza arguidu ho krime abuzu podér, tuir artigu 294, husi kódigu penál Timor-Leste, hafoin  ne’e Tribunál Distritál Díli halo alterasaun kualifikasaun jurídika tuir artigu 274, husi kódigu Prosesu Penál.

Leitura akordaun TR ne’e, prezide husi Juíz kolektivu TR, Maria Natércia Gumão, Jacinto Correira da Costa no Duarte Timan Soares. san

Add to Comments Here!!!!

error: Content is protected.
Secured By miniOrange
You might also like:
PLP baruk ona ho CNRT forma IX Governu

Vise Prezidente Konsellu Polítiku Nasionál, (CPN_Sigla...

Governu aprova rezolusaun reativa atividade GAM

Governu liu husi Konsellu Ministru (KM),...

SEAV konvida PR partisipa selebrasaun loron nasionál veteranu

Sekretáriu Estadu Asuntu Veteranu (SEAV), Gil...

Close