JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xefe Estadu husu PN aprova lalais LAK

Xefe Estadu husu PN aprova lalais LAK

Prezidente Repúblika (PR), Francisco Guterres Lú Olo, husu ba deputadu sira iha Parlamentu Nasionál (PN), atu aprova lalais Lei Anti Korrupsaun (LAK) hodi prevene no kombate korrupsaun iha Timor-Leste.

“Ha’u hakarak husu ba señor deputadu sira atu aprova lalais lei anti korupsaun, projetu lei anti korupsaun tama fali ona iha meja Parlamentu Nasional (PN) iha 9 de Jullu 2018, liu husi projetu lei ne’e deputadu sira propoen atu estabelese medidas foun atu halo prevensaun no oinsa kombate korupsaun”,afirma Xefe Estadu liu husi nia diskursu ba komemorasaun tinan 10  ezisténsia no funsionamentu Komisaun Anti Korrupsaun nian, Segunda (24/02/2020), iha  Salaun Ministériu Finansa Aitarak Laran Díli.

Lú Olo haktuir, projetu lei ne’e tama dala tolu ona iha Parlamentu Nasionál, no  hotu-hotu   hein katak, Parlamentu Nasionál sei aprova lei refere iha tempu badak, atu kompleta kodigu penál ho  medida espesiais, atu bele prevene no kombate korupsaun.

“Korupsaun ohin loron laos ona krime ida ne’ebé izoladu no individualizadu, nível korupsaun iha mundu aas tebes, globalizasaun teknolojia foun dezenvolvimentu aseleradu, fó oportunidade mós ba prátika krime foun ho rekursu  ba meius ne’ebé sufistikadu no violentu liu, tanba korupasaun manan dimensaun grave liu no bele iha impaktu negativu ne’ebé bo’ot liu, tanba opera ona iha nível ida transnasionál” realsa Lú Olo.

Xefe Estadu haktuir, korupsaun iha nível mundial,  iha mós implikasaun ba seguransa mundial, situasaun ida ne’e ezije kooperasaun entre rai sira liu husi monitorizasaun permanente ba risku sira UNCAC, liu husi artigu 5 hatu’ur mata dalan ba Estadu parte hotu-hotu atu ida idak dezenvolve nia etratejia nasionál hodi prevene no kombate korupsaun.

Lee hotu :   TR proklama rezultadu EA AMP sai vensedor tuir FRETILIN

“Timor-Leste nu’udar Estadu parte United Nations Convention against Corruption (UNCAC) nian, iha obrigasaun atu dezenvolve polítika nasionál anti korupsaun hodi asegura ita-nia  Estadu demokratiku ho kultura ida ne’ebé forte hasoru korupsaun hanesan hatu’ur ona iha vizuan KAK nian”, tenik Lú Olo.oly

Add to Comments Here!!!!

error: Content is protected.
Secured By miniOrange
You might also like:
AMD sei hasai okupante sira iha eis AsPol

Adjuntu Autoridade Munisípiu Díli, José Filipe...

PR Lú Olo: CNRT tenke tetu didiak nia kuadru antes envolve iha IX Governu

Prezidente Repúblika (PR), Francisco Guterres Lú...

Hospital Referal Maliana krize ai-moruk

Diretór Hospital Referal Maliana (HRM), Bourdeloue...

Close