2019 PNTL simu keixa husi komunidade kona-bá osan falsu

Komandante Jerál  Polísia Nasionál Timor-Leste (PNTL), Komisáriu Faustino da Costa, hateten, iha tinan 2019 PNTL simu keixa kona-bá sirkulasaun osan falsu iha Timor-Leste, maibé iha tinan 2020 PNTL seidauk simu keixa.

“PNTL simu keixa husi señora ida fa’an pulsa eletrisidade, ema ba hola kalan lori osan USD100, tuir loloos kazu hirak ne’e PNTL no iha munisípiu Manufahi iha merkadu ema lori nota ho valor USD20, ema deskuñesidu, sé mak lori ba hanesan ho señora ida ne’ebé fa’an pulsa kazu sira ne’e ita rejista, maibé ida ne’e ita defende buat ne’ebé prosesu tomak na’in autór ba ida ne’e Ministériu Públiku (MP)“, Komandante Jerál  PNTL ne’e iha Parlamentu Nasional (PN), Tersa (10-03-2020).

Nia klarifika, prosesu ida ne’e PNTL rejista, maibé iha kazu foun depois públikasaun vídeo ne’ebé virál iha loron 29, fulan Febereiru, tinan ne’e, PNTL mós uza kompeténsia hasa’i ona despaixu, hodi investiga membru ne’ebé desloka ba Indonézia kona-bá asuntu kooperasaun servisu ida ne’e.

“Segredu loos ida ne’e mak PNTL ami halo internalmente ami-nia membru sira ne’ebé desloka kona-bá publikasaun ne’e, husi própriu membru ne’e ou parte relevante ne’ebé PNTL ekipa hatutan dadus refere karik idéntika refere ami mós ida ne’e, PNTL husi parte seluk ida ne’e, ami prefere envolve Polísia Siéntifika Investigasaun Criminal (PSIC) no Ministériu Públiku (MP) ba kontinuasaun prosesu husi kazu refere”, tenik Faustino.

Maske nune’e komando PNTL mak prepara karta, oinsá envia dokumentu kazu publikasaun, tanba kestaun vídeo ne’ebé virál ba iha MP iha koordenasaun ho PSIC. ety