JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu suspende Timor-oan ba servisu iha Austrália no Korea ■ Deskonfia Timor-Oan ida infetadu COVID-19

Governu suspende Timor-oan ba servisu iha Austrália no Korea  ■ Deskonfia Timor-Oan ida infetadu COVID-19

Governu liu husi Sekretaria Estadu Formasaun Profisional no Empregu (SEFOPE), ho Ministériu Negósiu Estranjeiru no Kooperasaun (MNEK), provizoriamente suspende traballadór Timor-oan ne’ebé atu ba servisu iha Austrália no Korea do Sul.

“Ba kanidatu traballadór sira hotu, ne’ebé atu ba servisu iha, Austrália no Korea, Governu TL atraves husi MNEK, servisu hamutuk ho ministériu relevante provizoriamente ita sei suspende atividade ba Austrália no Korea relasiona, ho epidemia COVID-19 ne’ebé mak agora dadaun espalla iha mundu tomak”, hateten, Sekretáriu Estadu Formasaun Profisional Empregu, Julião da Silva, iha salaun  SEFOPE, Sesta (20/03/2020).

Julião subliña, SEFOPE servisu hamutuk ho MNEK, kontinua atu komunika no koordena ho empregadór iha Austrália no Korea do Sul to’o bainhira reativa fali hodi simu fila fali Timor-oan sira, hodi loke fila fali sira nia fronteira, tantu husi Aero, Terestre atu nune’e bele simu fali traballadór Timor-oan sira.

“Ami husu ba ita bo’ot sira nafatin hakmatek, hodi hein too wainhira Governu Austrália no Korea, loke fila fali ita nia fronteiras hodi autozira traballadór sira husi, nasaun seluk inklui TL, bainhira mak bele tama fali ba sira nia nasaun”, afima, Julião.

Migrasaun implementa ona rezolusaun bandu nasaun 150 tama TL

Servisu Migrasaun (SI) implementa ona rezolusaun governu hodi  bandu  ema estranjeiru husi nasaun 150  resin  tama Timor-Leste (TL) inklui Indonézia

Diretór  Jerál  Migrasaun  Superintendente  Agostinho Gomes Agostinho esplika,  hahú iha Kinta  (19/03/20)  servisu Migrasaun   implementa ona rezulusaun  governu  hodi aplika iha fronteira terrestre Mota-Ain  hodi bandu sidadaun nasaun 150 resin tama Timor-Leste inklui sidadaun Indonézia, labele tama Timor-Leste.

Enkuantu  Timor oan sira mai  husi estranzeiru bele tama Timor-Leste.  No sidadaun Indonézia ne’ebé   durante ne’e hela iha Timor ho visa turista bele autoriza fila ba sira nia rai liu husi fronteira terrestre no aero.

Lee hotu :   Kazu Taibesi, Tribunal deside prizaun tinan 13 ba arguidu RCA

“La’ós  la halo atendimentu, mas  horiseik Servisu Migrasaun Ministériu Interiór Timor-Leste  hahú implementa  ona rezolusaun  governu  data 11 Marsu 2020 hodi  interdita no restrita  husi nasaun barak  150 resin mai  Timor-Leste  inklui Indonézia mas sidadaun  ne’ebé mak  moris no hela  Timor-Leste  inklui sira  ne’ebé mak servisu iha Timor-Leste  rezolusaun no lei mós autoriza sira tama”, esplika  Diretór Jerál Migrasaun  Superintendente Agostinho Gomes, ba  jornalista sira Sesta (20/03/20), iha Ministériu Interiór Villa-Verde Díli.

Agostinho dehan, estudante Timor-oan sira iha estranjeiru bele fila mai Timor-Leste, mas tenke halo karantina voluntariamente.

Entertantu movimentu   pasajeirus  iha  Aeroportu Internasionál Nicolau Lobato Comoro Díli la hanesan loron bain-bain, tanba relasiona ho COVID-19.

No iha Sesta ne’e, tuir observasaun GMN  haree aviaun  aviaun Trans Nusa diresaun Kupang-Díli  sei tula pasajeiru Timor-oan sira mai Timor-Leste, inklui aviaun Citilink husi  diresaun Bali mai Díli de’it pasajeiru na’in hitu.

Deskonfia Timor-Oan ida infetadu COVID-19

Diretora Jerál Prestasaun Saúde, Ministériu Saúde (MS), Odete Viegas, hateten, MS, liu husi ekipa Laboratóriu Nasionál (LN) sei halo teste ba Timor-Oan ne’ebé fila husi Portugál, tanba deskonfia hetan sintoma coronavirus (COVID-19).

“Loos informasaun ne’ebé ita boot sira rona ne’e, ha’u mós ohin dader hetan telefone husi Diretora Referal Baucau sobre asuntu ida ne’e no ita iha duni, ita-nia funsionáriu sira ne’e fila husi Portugál iha loron 12, fulan Marsu, tinan 2020 no ohin iha sira na’in 6, karik husi sira na’in 6, ida mak hetan sintoma isin-manas, mear, maibé atu hateten de’it katak, hahú horikalan nia ba ospital, mais doutor sira halo tiha konsulta ba nia, maske profesionál saúde sira hateten ona katak nia tenke izola iha ne’ebá, mais nia rasik hakarak desloka mai Dili”, Diretora Jerál Prestasaun Saúde MS ne’e ba jornalista sira iha salaun Palaçio das Cinzas, Caicoli-Díli, Sesta (20-03-2020).

Lee hotu :   Halo oan monu, fen matan metan

Odete akresenta, ekipa vijilánsia halo ona kontaktu ba funsionáriu ne’e, bainhira to’o iha Díli sei izola iha nia uma no husu atu labele sai husi uma, halo movimentu ba mai no ekipa laboratóriu sei halo teste, hodi tau iha fatin karantina.

“MS hahú iha fulan Janeiru to’o ohin loron hala’o nafatin esforsu no la tuur nono’ok no importante mak sé coronavirus ne’e tama iha nasaun ida ne’e, MS prontu atu hala’o servisu ne’ebé maka’as hodi fo atendimentu”, tenik Diretora Jerál Prestasaun Saúde MS ne’e.

Hafoin rona informasaun kona-bá sidadaun ne’e, Organizasaun Mundiál Saúde (OMS) mós kontaktu kedas ba ekipa vijilánsia MS, hodi evakua kedas sidadaun ne’e mai Díli, maibé seidauk hatene loloos, sidadaun ne’e pozitivu COVID-19 ka la’e, tanba seidauk halo teste.

Tuir prosedura normál wainhira to’o ona iha Díli, pesoál ne’e sei ba karantina, hodi halo observasaun, hasa’i ran hodi halo teste, mak foin bele identifika nia pozitivu ba COVID-19 ka la’e.

Entretantu MS iha kompeténsia atu informa ba públiku kona-bá lala’ok no rumoris ne’ebé la’o dau-daun, inklui MS mós sei fó hatene kuandu iha ona mudansa informasaun. cin/avi/eni

Add to Comments Here!!!!

error: Content is protected.
Secured By miniOrange
You might also like:
PM Taur: Inundasaun estraga infraestrutura atinji millaun USD 20

Primeiru Ministru (PM), Taur Matan Ruak,...

Pandemia COVID-19 implika sasán folin sa’e, Estudante Timor-oan iha RI ameasadu

Pandemia Corona Virus Disease 2019 (COVID-19)...

José Lobato: ConocoPhillips prontu koopera ho Governu asegura Bayu Undan husi COVID-19

Prezidente ConocoPhillips, José Lobato, hateten, kompañia...

Close