JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu Kulu-Hun de Baixo, TDD aplika prizaun tinan 25 ba José no 20 ba Francisco

Kazu Kulu-Hun de Baixo, TDD aplika prizaun tinan 25 ba José no 20 ba Francisco

Tribunál Distritál Díli (TDD), iha Sexta, loron 27, fulan ne’e, liu husi leitura sentensa ne’ebé lee sai husi Juíz Prezide, Sribuana da Costa, aplika pena prizaun tinan 25 ba arguidu José Alves Perreira “Jose Mina” no tinan 20 ba arguidu Francisco Maria de Sousa “Pai Quito”.

Razaun tribunál aplika pena ne’e ba arguidu na’in rua (2), tanba tribunál konsidera faktu ne’ebé produs iha prosesu produsaun provas ne’e provadu hotu no mós prosesu produsaun provas ba arguidu José Alves Perreira no Francisco Maria de Sousa la konfesa loloos faktu sira ne’e ba tribunál.

Defensór Públiku (DP), Estaqui Guterres, la aseita ho desizaun tribunál ni’an ba ninia kliente, tanba tuir rezultadu teste balístiku no deklarasaun husi sasin no lezadu sira komprova katak, arguidu Francisco Maria de Sousa la envolve direitamente iha kazu ne’e.

“Klaru katak dehan arguidu Francisco ne’e mak iha, por razaun tanba deitu provas ne’ebé iha momentu ne’ebá hatudu ba iha tribunál katak, sira na’in 2 tiru duni, maibé hanesan defeza ate agora la aseita desizaun tribunál ni’an, tanba tribunál rasik seidauk fundamenta di-di’ak no la haree liu ba provas ne’ebé mak durante ne’e la’o iha julgamentu, liu-liu haree ba iha testamuña, inklui mós vítima sira ne’ebé mak fó deklarasaun, tanba klaru katak vítima na’in hira ne’ebé mak fó deklarasaun iha tribunál katak, sira la haree arguidu Francisco tiru, maibé sira hatene katak, arguidu Francisco tiru mós tiru sa’e de’it, maibé la hatene katak iha momentu ne’ebá sira haree loloos katak arguidu José Alves mak tiru”, DP ne’e iha TDD, Mandarin-Díli.

Lee hotu :   Lere: “Xanana ita hotu nian”

Estaqui relata, nu’udár defeza sei halo rekursu hasoru desizaun tribunál ni’an, prazu loron 15.

“Francisco Maria de Souza 12 anus kada krime ida, ne’e ba ida mate, maibé ba kanek krime ida hetan pena tinan 5, maibé ba arguidu Jose Alves ne’e ba mate, kada krime ida 15 anus, maibé ba kanek sira kada krime ida tinan 7”, tenik DP ne’e.

Ministériu Públiku (MP) akuza arguidu sira ho krime omisídiu agravadu, dala tolu (3) no tentativa omesídiu agravadu dala lima (5), ne’ebé previstu iha artigu 139, husi Kódigu Penál Timor-Leste.

Tuir kronolojia, kazu asasinatu ne’e akontese iha loron 18, fulan Novembru, tinan 2018, iha suku Kulu-Hun de Baixo.

Akontesimentu asasinatu ne’e rezulta ema na’in tolu (3) mate, na’in tolu (3) kanek todan no na’in rua (2) kanek kma’an.

Leitura sentensa ne’e, prezide husi Juíz Prezide, Sribuana da Costa, MP reprezenta husi Prokuradór, Jacinto Babo no arguidu sira hetan asisténsia legál husi DP, Estaqui Guterres, maibé Advogadu Privadu, Pedro Apariçio la marka prezensa. san

 

Add to Comments Here!!!!

error: Content is protected.
Secured By miniOrange
You might also like:
PM Taur: Governu sei hasai regras ba Estadu emerjensia

Primeiru Ministru (PM), Taur Matan Ruak...

Timor-Leste vigora Estadu Emerjénsia durante fulan ida

Timor-Leste adapta Estadu Emerjénsia ne’ebé Prezidente...

AJTL ho TLPU husu MS trata jornalista ho dignu

Asosiasaun Jornalista Timor Leste(AJTL), ho Timor...

Close