JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

La rejista iha Patrimóniu Estadu, Servisu konjunta rekolla kareta 9 iha ME

La rejista iha Patrimóniu Estadu, Servisu konjunta rekolla kareta 9 iha ME

Servisu konjunta  Polísia Nasionál Timor-Leste (PNTL), Komisaun Anti Korrupsaun (KAK) no Patrimonia Estadu, identifika kareta  doasaun husi banku mundial ba Ministériu Edukasaun (ME) ne’ebé  utiliza tinan barak ona, maibé  la rejista iha patrimonia Estadu.

Kareta sira  apoiu husi doadór banku mundial, ba Ministériu Edukasaun hamutuk sia.

 Kareta sira uza ba tinan barak   ona, maibé  utulizadór iha Ministériu Edukasaun la rejista iha patrimonia Estadu. Kareta sira ne’e rekolla Sesta (06/02/20), iha Villa-Verde Díli.

Pontu Vokal   Ministériu Finansas  Cipriano  Pereira hateten,  kareta sira ne’e, prende tanba para kleur ona no utulizadór ba kareta sira ne’e la rejista kareta sira iha Patrimonia Estadu no kareta sira ne’e uza xapa matrikula privadu.

Tanba  ne’e kareta sira ne’e tenki lori ba patrimonia Estadu  Balide Díli.

 “Operasaun ida ne’e hanesan kontinuasaun hanesan tinan kotuk ba  hahú iha fulan Marsu too mai agora, ne’ebé operasaun ida ohin ne’e ami foka liu ba kareta sira doasaun  ne’ebé mak sira uza tinan  barak ona seidauk rejistu  iha patrimoni Estadu”,esplika Pontu Vokal   Ministériu Finansas  Cipriano  Pereira, ba  jornalista sira Sesta (06/02/20) iha Villa-Verde Díli.

Alende ne’e  Pontu Vokal  KAK  Euclides Madeira hateten, bainhira  utulizador sira mak  durante utulizadór sira uza kareta sira ne’e mak komete krime ruma sei submete ba prosesu investigasaun.

 “Aprosimasaun halo kleur ona ba utulizadór sira, maibé lakohi koopera, sempre demora hela de’it sasan sira ne’e, entaun ne’e mak ohin diretamente ita mai foti patrimoni Estadu sira ne’e. Orsida prosesu kontinuasaun hein relatóriu husi servisu konjunta  sei fó ba entidade ida-idak husi ne’ebá mak  ita haree, posibilidade iha krime ruma karik durantu utuliza patrimonia Estadu sira ne’e, depois ita sei prosesu”, dehan Euclides Madeira

Lee hotu :   Problema Kompañia JYL Constuction rezolvidu

Iha fatin hanesan Komisáriu Komisaun Funsaun Públika asuntu  Disiplinár  António Freitas hateten, kareta doasaun tenki rejista núdar  nain ba Estadu .

Tanba   iha dekretu lei númeru 8 / 2004 hateten klaru katak, patrimonia Estadu sira  ténki rejista  núdar patrimonia Estadu nai’n ba kareta.

 “Maibé prosesu balun hanesan para fali iha uma depois laiha relatóriu, fulan-fulan despeza la’o nafatin  ida ne’e ha’u hanoin Estadu labele tolera. Tanba  ne’e mak ha’u hanesan dirijenti masimu ba administrasaun  públika ninian, liu-liu ba kargu xefia sira, kargu diretór sira  kumpri didiak ita nia servisu ba, koopera ho entidade sira seluk hodi buka solusaun la’os atu penaliza ema, karik iha aktu iregularidade ruma  tenki sira komprementa hela ba kondisoins ne’ebé ijisti”,dehan António Freitas.

Nune’e mós Diretór  Nasionál  Patrimoni Lojistika Ministériu Edukasaun  Marito Soares hateten, kareta sira ne’e apoiu husi doador  sira, maibe laliu husi  termu intrega, tanba ida ne’e mak sai difikuldade boot. “Kareta sira ne’e balun diak, balun a’at ona”,dehan  Marito Soares.

Servisu ekipa konjunta la’os  rekolla de’it kareta apoiu husi doadór sira iha ministériu edukasaun, maibé sei hala’o mós ba ministériu sira seluk hodi  buka identifika kareta sira Estadu nian ne’ebé mak utulizadór sira uza ho sapa matrikula privadu.avi

 

Add to Comments Here!!!!

error: Content is protected.
Secured By miniOrange
You might also like:
Fasilita servisu munisipál, Governu lansa website ba munisípiu hotu

Governu liu husi Ministériu Administrasaun Estatal,...

Austrália apoia adesão de Timor-Leste à ASEAN

A Embaixadora australiana da Associação das...

KHUNTO realiza II kongresu nasionál, Naimori: Juventude tenke hakruk fó onra ba líder nasionál

Partidu Kmanek Haburas Unidade Nasionál Timor...

Close