JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere: Ema kampaña hafoer maun Xanana ho osan falsu kuidadu

Lere: Ema kampaña hafoer maun Xanana ho osan falsu kuidadu

Xefe Estadu Maior Falintil Forsa Defeza Timor-Leste (F-FDTL) Major Jeneral Lere Anan Timur, husu ba ema sira ne’ebé hahú kampaña hodi hafoer líder karismátiku Kay Rala Xanana Gusmão ho Brigadeiru Jenerál F-FDTL, Cornelio Ximenes “Mau-Nana” envolve iha produsaun osan dolar falsu, tenke kuidadu. 

“Ema laran moras ba ita ne’e hatún ita-nia kredibilidade, hafoer ita-nia naran ne’e halo kampaña, halo propaganda falsu kontra ita-nia maun sira, no ema ne’ebé halo ne’e mos tenke kuidadu! Ó iha evidensia ka ó naran koalia deit. Xanana la’ós kualker ema, Mau-Nana la’ós kualker ema, Xanana ema líder nasionál, karismátiku, Mau-Nana mos ema líder ida rezisténsia ninian no Jenerál ida. Ema ne’ebé koalia mos tenke iha evidensia para koalia, labele koalia arbiru”,dehan Lere Anan Timur ba Jornalista sira, Kuarta (04/03/2020), iha Palásiu Prezidensial Nicolau Lobato Bairo Píte, Díli, bainhira husu kona ba autór Bruno Magalhães ne’ebé dehan líder nasionál Xanana Gusmão ho Mau-Nana nia naran iha produsaun osan dolar falsu iha ne’eb’e viral iha Média Sosiál.

Lere Anan Timur mos konsidera grupu balun ne’ebé kria osan falsu fo impaktu negativu ba Timor Leste, no nia mos la fiar líder nasionál sira envolve halo osan falsu, tanba laiha evidensia.

“Osan falsu ne’e kuaze la’ós iha Timor deit, maibe iha fatin hotu hotu, mas  ba Timor nia impaktu negativu bo’ot tebes, tanba ita-nia nasaun foin ukun-an no nasaun ida ne’ebé kiik, kiak, agora osan falsu mai tan ne’e atu la’o oinsa, depois aat liu tan ho ita-nia situasaun polítika agora  dadaun ne’e, agora ita la hatene komplikadu hela”,dehan tan Lere Anan Timur.

Lee hotu :   Sosiedade sivíl husu Governu aselera rejime jurídiku traballadór doméstika

Nia afirma, líder sira hanesan Xanana Gusmão, Mau-Nana, naran sai duni maibe la bele fiar, dala ruma ema laran moras ba líder sira, hatún kredibilidade hafoer naran ne’e halo propaganda falsu kontra maun sira.Oly 

 

Add to Comments Here!!!!

error: Content is protected.
Secured By miniOrange
You might also like:
Aban Xanana aprezenta koligasaun foun ba PR

Atu hakotu impase polítiku ne’ebé la’o...

Xanana la envolve iha produsaun osan falsu, KomJer PNTL: Autór halo propaganda hodi instabiliza nasaun

Komisáriu Jerál (KomJer) Polísia Nasionál Timor-Leste...

PN kestiona eis Ministru balun kontinua iha eskoltu

Reprezentante povu iha uma fukun Parlamentu...

Close