PNTL husu vítima inundasaun labele taka estrada

Komanante Polísia Nasionál Timor-Leste (PNTL) Munisípiu Díli,   Armando Monteiro, husu  vítima afetadu husi inundasaun labele taka estrada públiku hodi impede serkulasaun  transporte  hodi raut foer sira.

Udan boot ne’ebé mak akontese iha sesta semana kotuk halo mota tuun no sobu komunidade sira nia uma no  sasan uma laran seluk tan.

Tanba  ne’e, komunidade nia sasan barak   estragus  no labele salva.

Udan boot ne’e lori tahu tama mós komunidade nia uma.  Ho ida ne’e vítima ba  inundasaun  sira  ténki salva sira nia sasan hodi tau iha estrada, tanba  sira nia uma serkula ho tahu dodok. Maibé  Komandante PNTL munisípiu Díli Superintendente Xefe Armando Monteiro la autóriza.

“ Husu ba komunidade  wainhira prezensa funsionáriu Estadu sira iha fatin inudasaun karik husu atu koopera, ita haree komunidade mós haree hela de’it no krítika hela de’it, sira ijize ita nia instituisaun  seguransa ho  membru deputadu no membru governu  no estudante tuun iha terenu  sira sai mai asisti fali no pior liu tan mak sira tau fatuk no ai hodi impede movimentu públiku ida ne’e labele, tanba  ne’e mak presiza kontribuisaun parte hotu hodi hamos lalais kapital Díli”, esplika esplika Komandante PNTL munisípiu Díli Superintendente Xefe Armando Monteiro, ba   jornalista sira Tersa (17/03/20) iha Caicoli Díli.

Alende ne’e komunidade uma kain   1105 mak hetan afetadu, no ema   hamutuk 6700  mak hetan  afetadu  husi inudasaun.avi

 

Leave a Reply

Your email address will not be published. Required fields are marked *