Ministru Defeza no Interior Interinu, Filomeno Paixão, hateten, Prezidente Repúblika (PR), Francisco Guterres Lú Olo, husu ba parte relevante sira atu entrega kazu osan falsu ba Tribunal Indonézia mak prosesa.
“To’o agora ema ida seidauk aprezenta keixa, maibé Polísia fó informasaun polísia buka dadus, depois bele fornese ba Ministériu Públiku, PSIK, para haree realmente se iha duni vítima ba burla iha ne’eba, ida ne’e investigasaun obrigasaun husi polísia ka interior nian mak ne’e”,dehan Filomeno Paixão ba Jornalista sira Kuarta (11/03/2020) iha Palásiu Prezidensial Nicolau Lobato, Bairo Píte, Díli.
Filomeno Paixão afirma, kona bá hafoer naran líder nasionál sira nian ne’e, hanesna Ministru Interior, nia haree krime hatete aat ema nia privadu, kuandu laiha prova, maibé defasa ne’e presiza keixa, tanba krime ne’e semi públiku, presiza keixa husi vítima to’o agora laiha keixa husi vítima.
Paixão subliña, ministériu interior orienta ona polísia buka hodi hatene lolos ema ne’e, tanba iha momentu ne’ebé iha krize no susar laran, kazu ne’e mai aumenta tan.
“Prezidete Repúblika hatete, ne’e iha tribunal Indonézia nia liman, entrega ba tribunal Indonézia mak desidi, ita lalika antesipa no ita lalika ansi, ita fiar ba tribunal indonézia hanesan mós tribunal Indonézia fiar mai ita, entaun ita hein desizaun husi ne’eba”, hakotu Governante ne’e.oly
