Deskonfia oknum PNTL no F-FDTL tiru mate karau iha Cribas

Deskonnfia oknum Polísia Nasionál Timor-Leste (PNTL)  no FALINTIL-Forsa Defeza Timor-Leste (F-FDTL) tiru mate karau komunidade nian iha  Cribas  semana ne’e.

Iha akontesimentu komunidade sira rekolla involku  ne’ebé make ma sira utuliza hodi tiru karau  komunidade  nian, iha Cribas.

José da Costa núdar karau nai’n esplika, liu husi komunikadu konferénsa da imprensa haktuir,  kazu tiru karau ne’e akontese iha fulan  ne’e iha tempu kalan, wainhira Prezidente Repúblika deklara Estadu emerjénsia, hodi limita komunidade sira nia movimentu, maibé iha oknum  PNTL no F-FDTL balun uza oportunidade hodi kasa animal povu sira nian ne’ebé mak husik hela iha área Cribas ninian hodi tiru mate karau rua no tiru kanek karau inan ida  ne’ebé mak ho oan nurak.

“Ami komunidade Suku Cribas, postu administrative Manatutu munisípiu Manatutu, lamenta tebes ho atetude oknum PNTL no F-FDTL sira ne’ebé mak uza arma Estadu nian hanesan kilat hodi halo operasaun ka tiru animal komunidade nian karaun durante  ne’e, liu-liu iha tempu situasaun emerjénsia ne’e”,esplika José da Costa núdar karau nai’n, liu husi konferénsa iha Cribas semana ne’e.

Ho kazu ne’e komunidade sira husu orgaun Estadu hanesan Parlamentu Nasionál no governu  atu foti medida  ba oknum sira ne’ebé mak aproveita situasaun emerjénsia ho kilat hodi halo operasaun ba komunidade nia karau ne’ebé mak husik hela.

Sira mai halo operasaun ou tiru animal  ne’e durante kalan tolu tutuir malu iha loron  ida fulan  no loron tolu no hat fulan Abril tinan 2020.

“Ami komunidade hakmatek hotu  iha uma tempu kalan. Ami halo esforsu atu  buka dalan oinsá atu buka evidénsia sé los ou grupu ne’ebé los mak halo operasaun hodi tiru karau ne’e”,dehan José da Costa.

Hafoin liu tiha akontesimentu ne’e, komunidade Suku Cribas balun konsege halo esforsu hodi identifika sira nia karau mate balun ne’ebé mak ema tiru mate hodi tula iha kareta-laran.

“Wainhira ami halo  esforsu atu hetan evidénsia ka koñese karau ne’ebé mak sira tula iha kareta laran, maibé la konsege foti fotografia, tanba hetan ameasa husi oknum PNTL ida dehan, sorte  ne’e iha ona sidade, sé iha ai-laran ne’ebá karik imi na’in tolu nia ulun fatuk han hotu bala musan. Iha loron 5 fulan ne’e, oras tuku 7  ho balun iha Manatutu.Tan ne’e ami lamenta tebes ho oknum PNTL  ne’ebé mak hasai liafuan sira ne’e mai ami”,dehan José da Costa.

José da Costa akresenta, evidénsia ne’ebé mak sira hetan durante iha fatin akontesimentu hanesan karau  ne’ebé make ma sira tiru agora dadauk kesi no kurativu hela no sei iha kartus balun iha karau nia isin-laran. No iha mós involku mamuk ho númeru seríe 5.56 TH PIN.

“Karau nee sira mak tiru tamba sira mak kaer kilat iha nasaun nee.  Iha mos karau nia ran neebe mak turuk iha fatin tiru nee no sira taka ho rai”,dehan José da Costa.avi