JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Impase polítiku dura to’o agora, Lere : Kria husi líder komanda funu iha ai-laran

Impase polítiku dura to’o agora, Lere : Kria husi líder komanda funu iha ai-laran

Xefe Estadu Maiór Jenerál F-FDTL, Majór Jenerál Lere Anan Timur, hateten, problema polítika iha rai laran dura to’o ohin loron no seidauk remata ne’e, tanba mai husi líder sira ne’ebé mak uluk komanda funu iha ai-laran.

 “Apela mós ba ita-nia na’i-ulun sira atu sira tuur hamutuk hodi rezolve povu nia problema, problema polítiku ohin loron ita haree, problema la’ós  problema partidu polítiku, ohin loron ita haree sé mak halo problema ne’e ita-nia maun líder sira ne’ebé mak uluk komanda funu, maun Xanana, Taur, maun Mari, maun Lú Olo, maun Ramos-Horta, mas uluk ne’e sira haree malu di’ak, keta agora ema ruma joga sira karik, Taur ho Xanana ne’e maun-alin, ema labele nega dehan la’ós maun-alin, sira ne’e uluk terus hamutuk, ran fakar hamutuk, sira ne’e hanoin ida de’it mak ukun rasik-an”, Xefe Estadu Maiór Jenerál  F-FDTL ne’e ba jornalista sira, Tersa (07-04-2020), iha Kuartel Jenerál Fatuhada-Díli.

Lere dehan, diverjénsia ideias ne’e la’ós foin akontese, uluk iha ai-laran mós akontese, mas sira nunka sai inimigu ba malu.

 “Ne’e mak ha’u sama atensaun uitoan ba ita-nia polítiku sira, ita-nia partidu sira tenke mós kuidadu, labele mai fahe ema, ohin loron osan mós fahe ita buat hotu riku-soin mundu ni’an, entaun ha’u husu ba ita-nia na’i-ulun sira fó atensaun ba situasaun coronavirus ne’ebé mak hamate ema rihun ba rihun”, dehan Lere.

Nia rezeita mós informasaun balun ne’ebé ema lansa dehan, sei akontese tan krize hanesan iha tinan 2006.

“Ami apela mós ba unidade instituisaun rua ne’e, porque ohin loron ita rona dehan krize 2006, loromonu no lorosa’e atu mosu fila-fali, ida ne’e ema espekula, mas ami la fiar, mas kuandu ami rona ami alerta ba malu dehan katak, loromonu-lorosa’e akontese de’it iha 2006 no nia konsekuensia ita hatene ona”, tenik Xefe Estadu Maiór Jenerál  F-FDTL ne’e.

Lee hotu :   Lei bandu ema lori osan tama mai TL liu US$ 10.000

Líder máximu F-FDTL ne’e akresenta, instituisaun F-FDTL no PNTL sei kumpre nia dever no misaun nu’udár lutu nasaun ninian, hodi defende seguransa ba  povu no soberania Timor-Leste. avi

 

Add to Comments Here!!!!

error: Content is protected.
Secured By miniOrange
You might also like:
PR promulga ona pedidu levantamentu FP tokon USD250

Prezidente Parlamentu Nasionál (PN), Arão Noe,...

AMP rejeita mosaun sensura harosu PM no demostrasaun kontra PR

Porta-Voz koligasaun foun AMP (lidera husi...

Subsídiu ba média tama iha item rekoperasaun ekonomia

Sekretáriu Estadu Komunikasaun Sosiál (SEKOMS), Mericio...

Close