JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kada loron ema liu 30 tama-sai ilegál fronteira, KomJer PNTL preokupa bele lori COVID-19 tama TL

Kada loron ema liu 30 tama-sai ilegál fronteira, KomJer PNTL preokupa bele lori COVID-19 tama TL

Komadante Jeral (KomJer) Polísia Nasional Timor-Leste (PNTL), Komisáriu Faustino da Costa, deklara, durante tempu  emerjénsia, kada loron PNTL kaputura ema tama-sai ilegál iha fronteira terestre entre  Indonézia ho Timor- Leste  liu 30. Tanba ne’e bele lori COVID-19 ne’e tama Timor-Leste no hadaet ba maluk Timor-oan sira seluk.

“Sidadaun sira maioria aproveita fila fali dalan ilegál ne’e, ne’ebé ami mos atualiza ba Prezidente Repúblika, F-FDTL dadaun ne’e apoiu hela PNTL iha situasaun emerjénsia, hodi halo sensibilizasaun iha fronteira no mos Munísipiu sira. Se ita-nia komunidade sira iha fronteira tenta fasilita no la interven ema tama-sai ilegál, ita-nia maluk sira ne’e mai lori moras ka lae?,dehan Komisáriu Faustino da Costa ba Jornalista sira, Kinta (2/4/2020), hafoin remata enkontru ho Prezidente Repúblika, Francisco Guterres Lú Olo, iha Palásiu Prezidensial Nicolau Lobato.

Nia afirma, risku ne’e bo’ot liu ba komunidade sira. Ne’ebé komunidade sira, liu liu iha fronteira ne’e, importante koopera ho autoridade lokal sira tantu Polísia no Forsa no mos líder komunitária sira, tanba bainhira ilegál  ne’e númeru aumenta sei fo risku mos iha situasaun agora, tanba kada loron PNTL kaptura ema tama-sai ilegál hamutuk 30  to’o 40 ba leten.

“Preokupasaun mak ida ne’e se karik, ida ne’e depois la’o mak ita-nia komunidade sira iha  fronteira suporta no apoiu fila-fali risku  moras ne’e sei bo’ot liu tan”,subliña Faustino.Oly

Lee hotu :   Treinamentu ‘matebian’ hasa’e koñesimentu F-FDTL

Add to Comments Here!!!!

error: Content is protected.
Secured By miniOrange
You might also like:
HNGV rejista moras dengue 92 no ida mate

Xefe Unidade Pediatria, Breviado do Santos,...

Pasajeiru Oecuse kontra Governu deside Ró Berlin Nakroma tula deit ema 50

Pasajeiru Oecuse sira kontra desizaun Governu...

Iha publikasaun dadus COVID-19, Mosu dezentendimentu entre SIJR ho MS

Dezentendimentu mosu entre Ekipa Sentru Integradu...

Close