Kazu tiru karau iha Cribas, Faustino : PNTL seidauk simu relatóriu

Komandante Jerál Polísia Nasionál Timor Leste (PNTL), Komisáriu Faustino da Costa, hateten, dau-daun ne’e komandu PNTL seidauk simu  relatóriu husi munisípiu ne’ebé deskonfia elementu polísia forsa armada balun tiru karau komunidade ninian iha Cribas-Manatutu.

 “Ha’u dehan dala ida tan katak, ha’u to’o ohin loron seidauk hetan relatóriu ruma husi komandu PNTL, munisípiu Manatutu, ha’u konfirma ho komandante munisípiu mós la informa situasaun ida ne’e”, Komandante Jerál PNTL ne’e ba jornalista sira, Tersa (07-04-2020), iha Kuartel Jenerál FALINTIL-Forsa Defeza Timor-Leste (F-FDTL), Fatuhada-Díli.

Antes ne’e, deputadu sira iha uma fukun Parlamentu Nasionál (PN) lamenta ho atitude membru polísia no forsa defeza ne’ebé kasa ou tiru animal povu ni’an ne’e. Deputadu sira mós husu ba komandu PNTL atu loke prosesu investigasaun.

Kazu tiru karau ne’e akontese iha loron 1, to’o loron 4, fulan ne’e, iha suku Cribas, postu administrativu Manatutu, munisípiu Manaturu.

Karau ne’ebé deskonfia elementu polísia ho F-FDTL tiru hamutuk tolu (3), rua (2) mate no karau inan ida (1) kanek ho oan nurak hela.

Iha akontesimentu ne’e, komunidade rekolla mós kilat ninia involku mamuk, ne’ebé monu hela ba rai. avi

Leave a Reply

Your email address will not be published. Required fields are marked *