Lere husu ema hotu atu kumpri EE

Xefe Estadu Maiór Jenerál FALINTIL Forsa Defeza Timor-Leste (F-FDTL) Majór Jenerál Lere Anan Timur, husu ba Timor-oan sira hotu atu  redus movimentu iha  fatin públiku sira, tanba Timor-oan ida pozitivu pandemia COVID-19.

Lere esplika, durante ne’e Polísia halo operasaun no sosializasaun  ba komunidade sira hatudu pozitivu,  tanba komunidade komesa hatudu ona sira ninia konsénsia hodi uza máskra  no sae kareta sira mós  tuur ho distánsia 1 metrus, tanba kumpri ba desizaun Estadu emerjénsia, maibé iha ema balun mak seidauk kumpri. Lere husu  atu kumpri. desizasaun Estadu emerjénsia no  dekretu governu númeru 3/2020,  ne’ebé mak fó sa ona hodi hela iha uma no labele halibur malu iha fatin públiku sira.

“Ohin  iha brifing  ida  ne’e, dotór Rui  hateten ona mais 1, querdezer, 1 mais 1  ita sei hein 1 mais 10 mós iha, depois  10 ba 100  mós iha, depois tenki prevene, mas  labele tauk”, esplika  Xefe Estadu Maiór Jenerál F-FDTL Majór Jenerál Lere Anan Timur, ba  jornalista sira Sesta (10/04/20), hafoin enkontru Sentru  Integradu Jestasaun Krize iha Sentru Konvenssaun Díli.

Alende ne’e ema sira ne’ebé mak iha Kuarentena hamutuk 984,  Díli 820, munisípiu 130. Auto kuarentena Díli 9  munisípiu 25. Pasa  ona 14 dias total 896, Díli 723 munisípiu 173. No dadauk ne’e Timor-oan ida, tama fali iha fatin izolamentu Verra-Cruz,  tanba  pozitivu COVID-19.avi