JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ohin, PR Lú Olo prezide reuniaun KE-KSDS ba estensaun Estadu Emerjénsia

Ohin, PR Lú Olo prezide reuniaun KE-KSDS ba estensaun Estadu Emerjénsia

Tuir komunikadu imprensa ne’ebé  JN-Diario asesu husi Gabinete Prezidénsia Repúblika hatete, Estadu Emerjénsia ne’ebé Prezidente Repúblika dekreta iha 27 marsu sei remata iha 26 abril 2020, maibé haree ba situasaun surtu COVID-19 iha Timor-Leste ho kazu konfirmadu hamutuk 23 no rekuperadu ida (1).

Tanba ne’e, Prezidente Repúblika (PR), Francisco Guterres Lú Olo, ohin, sei prezide reuniaun Konsellu Estadu (KE) no Konsellu Superior Defeza no Seguransa (KSDS) hodi rona hanoin sira kona-ba proposta Governu ba estensaun Estadu Emerjénsia.

Governu hato’o proposta estensaun Estadu Emerjénsia nu’udar dalan di’ak liu ba prevensaun no kombate moras aat ne’e.

Governu propoin estensaun Estadu Emerjénsia ba fulan ida tan, hahú husi 27 abril-26 maiu 2020. Governu hatama proposta estensaun Estadu Emerjénsia ne’e atu fó protesaun ba saúde públika iha Repúblika Demokrátika Timor-Leste (RDTL).

Tanba tuir komunikadu ne’e hateten, Corona Virus Disease 2019 (COVID-19) nu’udar pandemia nune’e presiza medida preventiva lalais atu labele hada’et moras aat ne’e ba beibeik no hamate ema barak.

Hafoin rona hanoin sira husi, Konsellu Estadu no Konsellu Superior Defeza no Seguransa mak Prezidente Repúblika sei foti desizasaun.

Molok dekreta Estadu Emerjénsia, Prezidente Repúblika sei husu autorizasaun hosi Parlamentu Nasionál no bainhira Parlamentu Nasionál autoriza, Prezidente Repúblika sei dekreta Estadu Emerjénsia.

Iha 27 marsu, Prezidente Repúblika deklara Estadu Emerjénsia ho fundamentu hadook ema hotu-hotu ne’ebé hela iha Timor-Leste husi kalamidade públika ne’ebé mosu husi COVID-19 no deklarasaun Estadu Emerjénsia ne’e abranje territóriu nasionál tomak.

Pandemia COVID-19 iha Estadu membru ASEAN ninian hada’et ema liu rihun 27 no ema mate liu rihun ida. Mundialmente, iha ema hamutuk rihun 168 ne’ebé mate no hada’et ba ema liu millaun rua.JN-Diario.

Lee hotu :   Julgamentu ba Lúcia Lobato

 

Add to Comments Here!!!!

error: Content is protected.
Secured By miniOrange
You might also like:
Sidadaun balun iha kuarentena ameasa pesoál saúde sira

Komandante PNTL munisípiu Díli, Superintendente Xefe...

MEJD kontinua fó sai programa eskola ba uma no distribui livru ba eskola iha área rural

Relasiona ho situasaun surtu COVID-19, atividade...

Durante implementasaun EE, Tribunal sei atende deit kazu Urjente

Durante implementansaun Estadu Emerjénsia (EE), Tribunal...

Close