JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNTL munisípiu Díli la autoriza ninia membru komunika direta ho ema iha kuarentena

PNTL munisípiu Díli la autoriza ninia membru komunika direta ho ema iha kuarentena

Atu evita membru Polísia Nasionál Timor-Leste (PNTL) infetadu coronavirus (COVID-19), komandu PNTL munisípiu Díli la autoriza ninia membru sira hakbesik-an no halo komunikasaun direta ho sidadaun sira iha kuarentena.

Tanba ne’e, Segundu Komandante PNTL munisípiu Díli, Euclides Belo husu ba ninia membru atu rona de’it orden husi komandu munisípiu.

“Membru sira ne’ebé ami koloka iha otél ou fatin kuarentena ne’e nia kna’ar mak garante seguransa, la ezekuta orden seluk, tantu sira ne’ebé mak hela iha kuarentena mak husu PNTL atu fó apoiu ba sira, atu halo fali buat seluk laiha, sira só rona orden husi komandu munisípiu ou ha’u para hala’o sira nia kna’ar, kuandu fora husi ida ne’e mak sira hala’o orden seluk la nesesáriu la presiza ezekuta”, Euclides ba jornalista sira iha resintu sede suku Comoro, Kuarta (14-04-2020).

Nia subliña, to’o agora komandu PNTL munisípiu Díli seidauk simu keixa formal ruma kestaun ne’e, maibé kuandu akontese membru balun ezekuta orden seluk, komandu munisípiu sei foti medida ruma.

“Klaru katak, seidauk iha keisa formal ruma haruka mai, maibé kuandu ami detekta, ami sei foti medida, medida ne’e rigorozu, tanba moras COVID-19 ne’e la’ós moras bain-bain, tanba da’et la-lais, tanba ne’e mak ami orienta membru Polísia sira tuir distánsia sira uluk ita koloka, para iha metru ida ou rua, ne’ebé agora ami hado’ok sira husi metru lima, hodi halo kontrolu ba maluk sira mak hela iha kuarentena, atu nune’e moras ne’e labele hada’et ba sira”, tenik Segundu Komandante PNTL munisípiu Díli ne’e.

Total fatin kuarentena iha Díli laran hamutuk 25 no númeru fatin kuarentea ne’e membru PNTL munisípiu Díli hamutuk 100 resin mak garante seguransa. avi

Lee hotu :   PNTL ida ema taa iha Comoro

 

Add to Comments Here!!!!

error: Content is protected.
Secured By miniOrange
You might also like:
Kazu krime menus durante Estadu Emerjénsia

Segundu Komandante Polísia Nasionál Timor-Leste (PNTL),...

KHUNTO rezeita informasaun hola parte iha koligasaun FRETILIN no PLP

Deputadu bankada Kmanek Haburas Unidade Nasionál...

MS: Jornalista labele publika notísia lá ho fonte ofisiál

Diretór Jeral Prestasaun Saúde Ministériu Saúde,...

Close