Kazu Ró Haksolok kontinua iha prosesu investigasaun

Prokurador Jerál Repúblika (PJR), José da Costa Ximenes, rejeita fó komentariu kona-ba kazu Ró Haksolok, tanba kontinua sei iha prosesu investigasaun.

“Ninia prosesu ha’u hanoin la’o hela, la’o nafatin hanesan ho prosesu sira seluk-seluk iha faze investigasaun hela ha’u lakohi hakarak fó komenta barak liu”,dehan, PJR José Ximenes ba Jornalista sira, hafoin remata enkontru ho Xefe Estadu Francisco Guterres Lú Olo, iha Palásiu prezidensial Nicolau Lobato, Bairro-Pité, Tersa (12/05/2020).

Ró Haksolok ho kustu millaun USD 13.7, inaugura iha loron 26 fulan maiu tinan 2017, iha sidade figueira da foz Portugal no tuir informasaun atu to’o iha Timor-Leste, iha Outobru tinan 2017 maibé, tanba iha problema internal husi kompañia Atlantic Eagle Ship Builiding ho nune’e Ró refere seidauk mai Timor-Leste.

Iha prosesu konstrusaun, kompañia husu tan orsamentu, adisionál ho montante millaun USD 14 resin, enkuantu Ró refere iha kapasidade atu tula ema na’in 377 no kareta hamutuk 15.Ina