JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere: Situasaun polítika sei la influénsia forsa armada

Lere: Situasaun polítika sei la influénsia  forsa armada

Xefe Estadu Maior Jeneral F-FDTL, Major Jeneral Lere Anan Timur, deklara, nu’udar líder máximu forsa armada sei la fó oportunidade ba se de’it, liu-liu oportunita sira atu influénsia  forsa armada, tanba forsa armada firme ho prinsípiu hodi asegura povu no nasaun.

“Ha’u ema ida la influénsia  ha’u. Uluk ha’u funu mos ema ida la influénsia  ha’u para funu ne’e mak ha’u hanoin katak se mak hakarak influénsia  ne’e, tenke hanoin didiak mak influénsia ,  liu-liu partikularmente forsa armada la iha infleunsia, hanesan ami sira ne’ebé veteranu, komandu forsa armada, ha’u-nia vise mos veteranu ida no brigadeiru hotu veteranu ema  ida la influénsia  ami, tanba uluk funu mos ema ida la influénsia ”,dehan Lere Anan Timur ba Jornalista sira Kuarta (06/05/2020) iha Palásiu Prezidensial Nicolau Lobato Bairo Píte.

Nia subliña, to’o agora mos sira seidauk hetan influénsia  ruma relasiona ho situasaun polítika, tanba sira iha prinsípiu rasik atu asegura povu no nasaun, tanba ne’e apela liu liu ba oportunista sira ne’ebé iha interese ruma iha kotuk, maibe tenke kuidadu tanba Timor Leste nasaun ona.

“Sa diak ida mak ita rai ba ita-nia jerasaun foun,  ami mos agora idade 70 ba leten ona, ita dehan hotu hotu besi-tua ona, mas hanoin katak impase polítiku agora ne’e ita tenke ultrapasa lalais,  liu-liu ita husu ba ita-nia líder partidáriu sira tenke iha responsabilidade, balun dehan ha’u polítiku mas ha’u dehan ha’u la’os polítiku, maibe ha’u mos faz parte vida nasaun nian”,akresenta Lere.

Lere fundamentu, Estadu ne’e, Estadu iha dezenvolvimentu la’os dehan Estadu frájil ida, Estadu dezenvolvimentu ne’ebé hotu hotu, tenke fó nia kontribuisaun, ne’ebé apela ba líder sira atu toma konsiénsia, responsabilidade.

Lee hotu :   Deskonfia fahe tutan ema nia video privada, PCIC detein ona joven ida

“Problema agora mosu ne’e se mak tenke sai solusaun, ita ohin loron rona mak maun Xanana, Taur, Lú Olo, problema ne’e sira nain tolu nian ka lae? ha’u hanoin katak sira mos faz parte solusaun problema ida ne’e ninian, ha’u husu mos oportunista sira la bele aproveita oportunidade,  tanba ita-nia Estadu, nasaun ita harii ruin ho raan, hanoin katak ita vijilansia ba malu, hanesan haree ba sorin-sorin ita nia maluk ita-nia sorin mos,  maibe ema seluk iha ita-nia leet dala ruma ita la haree karik”,tenik Lere. Oly

 

Add to Comments Here!!!!

error: Content is protected.
Secured By miniOrange
You might also like:
Dom Virgílio: Realidade povu hamlaha, labele inventa

Arse Bispu Metropolitanu, Dom Virgílio do...

PPN la ajenda karta destituisaun, Bankada tolu sei obriga Vise PPN ba lidera meja

Reprezentante povu husi bankada tolu iha...

Kazu rekoperadu COVID-19 mantein 20  Hein rezultadu laboratóriu 73

Porta Voz Sentru integrado Jestaun Krize(SIJK),...

Close