Na’ok sasán elektronika, PNTL detein ema na’in sia

Polísia Nasionál Timor-Leste (PNTL)  detein ema na’in sia,  tanba na’ok sasán elektrónika husi kompaña RMS  ninian iha Beduku.

PNTL  Eskuadra  Dom Aleixo halo  operasaun iha área Beduku   konsege  detein joven   na’in sia, iha área Beduku Kuarta  semana  ne’e, tanba na’ok sasán elektronika hanesan lap top, printer, no sasán sira seluk tan.

Suspeitu ho ev idensia sira agora iha ona Eskuadra Dom Aleixo, hodi submete  ba prosesu  investigasaun.

Komandante PNTL munisípiu Díli Superintendente Xefe Armando Monteiro esplika, kazu na’ok  ne’e akontese iha loron 5 fulan Maio tinan ne’e,  mais ou menus tuku 11 kalan oras Timor-Leste.

Hafoin  ne’e liu semana ida, PNTL dezenvolve kazu ne’e ikus mai PNTL  halo kooperasaun ho autoridade lokal sira konsege detekta suspeitu sira nia paraderu Beduku ho evidensia elektronika sira.

“Ita konsege rekolla  telemovel tolu no lap top, sia, printer tolu, layar monitor lima, skinner no asesores   sira seluk”,esplika Komandante PNTL munisípiu Díli Superintendente Xefe Armando Monteiro, ba  jornalista sira, Kuarta (13/05/20), iha Eskuadra Dom Aleixo.

Tuir  Armando Monteiro,  suspeitu na’in sia ne’e sei submete hotu ba prosesu investigasaun, hafoin bele detein sira iha sela detensaun.

Alende ne’e suspeitu sira loke ona fatin rental ida hodi rai sasán elektronika  sira ne’ebé mak sira foti iha kompaña RMS, maibé konsege rekolla husi autoridade seguransa.avi