JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Paixão aseita subsídiu ba seguransa USD15 kada loron

Paixão aseita subsídiu ba seguransa USD15 kada loron

Ministru Defesa no Interior (MDI) interinu, Filomeno Paixão, hateten, montante subsídiu ba seguransa sira wainhira halo seguransa durante implementasaun Estadu Emerjénsia (EE) kada loron ho montante USD15 ne’e razoavél, tanba seguransa sira la halo kontaktu direta ho suspeitu Corona Virus Disease 2019 (COVID-19).

“Kona-bá subsídiu ne’e to’o agora ha’u seidauk simu surat ruma husi membru seguransa sira kona-bá sira la konkorda ho montante orsamentu ne’e, ha’u nia hanoin montante USD15 razoavel, tanba ita laiha espozisaun bo’ot liu ba oin, tanba espozisaun boot liu mak doutora no infermeiru ne’ebé besik liu ho suspeitu COVID-19”, MDI interinu ne’e, hafoin halo enkontru ho Primeiru Ministru (PM), Taur Matan Ruak no autoridade seguransa sira iha Quartel Jeneral, Fatuhada-Díli, Kinta (07-05-2020).

Paixão akresenta tan katak, subsídiu ne’e sei aloka hotu ba membru FALINTIL Forsa Defeza Timor-Leste (F-FDTL), tanba funsionáriu barak hela iha uma durante EE, maibé forsa sira kontinua servisu.

Antes ne’e, Ministra Finansas (MF) interina, Sara Lobo Brites, fó sai ona kona-bá fiksa montante subsídiu ba sira ne’ebé servisu iha fatin izolamentu no laboratorium ou halo kontaktu direta ho pasiente COVID-19 hetan USD25 kada loron.

Enkuantu ba sira ne’ebé servisu iha kuarentena kada loron hetan USD20, maibé defeza no seguransa, inklui motorista, imigrasaun, kuarentena, alfandega no sira ne’ebé servisu iha fronteira, portu, aeroportu no terestre, kada loron hetan USD15 no ba pesoál agua no saneamentu, eletrisidade, seguransa sivil no pesoál ne’ebé rekolla lixu kada loron hetan USD5. nes

 

Lee hotu :   Membru UEP 29 ensera treinamentu ba misaun ONU

Add to Comments Here!!!!

error: Content is protected.
Secured By miniOrange
You might also like:
DNTT-PNTL reativa fali sirkulasaun transporte públiku

Atu reativa movimentasaun transporte públiku iha...

MP husu TDD tetu desizaun ba ta’a membru PNTL

Ministériu Públiku (MP), liu husi alegasaun...

Kazu baku KPK iha Manleuana, MP husu TDD kondena arguidu sira ho pena multa

Tribunál Distritál Díli (TDD), iha Kinta,...

Close