PNTL halo investigasaun ba patrimóniu estadu ne’ebé hetan estragus iha PN

Polísia Nasionál Timor-Leste (PNTL) liu hosi departamentu servisu investigasaun kriminal Iha Kinta (21/5/2020), semana ne’e halo ona investigasaun, ba patrimóniu estadu ne’ebé hetan estragus iha Parlamentu Nasionál (PN) hanesan Meza no kadeira, inklui surik lulik ne’ebé monu, tanba deputadu sira halo perturbasaun, bainhira hadau malu kadeira no meza Prezidente Parlamentu nian hodi túr atu lidera plenária.

Maske nune’e, ekipa investigasaun refere, lakohi fó kometariu, tanba ordem komando jerál.

Alende ne’e, sekretária jerál PN, Cedelizia Faria dos Santos deklara, tempu badak sei troka, bainhira hetan orinetasaun hosi Prezidente PN.

Nune’e, nia parte mo rezeita deklarasaun deputadu sira ne’ebé konsidera funsionariu PN halo boikota ba plenária Segunda no Tersa-feira semana ne’e, tanba sistema Plenária la’o, bazeia ba autorizasaun no aprovasaun ajenda inklui despaixu eskrita.

“ Ami hein de’it orientasaun de’it, kuandu orientasaun dehan dalan loos ona, entaun ami prontu ezekuta.”informa Cedelizia.

Maske nune’e, Prezidente PN, Aniceto Guterres mós deklara ona katak, nia partehatun ona orientasaun, atu konvida lia nain sira hosi 13 munisipiu, atu nune’e, bele halo serimonia ritual, hafoin bele troka meza refere.

“ Ami sei prepara oinsa mak ritual ne’e bele la’o, fulan ida ka rua, tanba infelizmente lori semana ida ka rua, ida ne’e sei lori fulan tanba presiza konvida lia nain sira,

Ne’epara hafoun fila meza foun ne’e, tanba uluk hatur tuir lisan ka kultura Timor nian,”dehan Aniceto.

Entertantu, meza Prezidente PN ne’e hetan estragus, tanba dezentendimentu entre deputadu sira CNRT, PLP Khunto ho Fretilin ne’eb’e hadau malu kadeira Prezidente nian.Say