JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sidadaun 12 kontinua atravesa fronteira

Sidadaun 12 kontinua atravesa fronteira

Sentru Integradu Jestaun Krize (SIJK) konfirma hahú husi loron 21 to’o loron 28, fulan ne’e Unidade Patrullamentu Fronteira (UPF) identifika, iha sidadaun 12 mak halo movimentu ou hakat klandestina (atravesa-red) iha fronteira Indonézia mai Timor-Leste.

“Total iha ema 12 mak hakat klandestinamente iha rai-ketan, husi total ne’e, 1 ema Indonéziu no deporta kedas ba fali Indonézia, iha Batugade ema na’in 2, Salele ema na’in 1, Oesilo ema na’in 5 no na’in 3 iha ona Díli mak komunidade informa ba autoridade lokál”, Porta-Voz SIJK ne’e iha sala situasaun Centro Convenções de Díli (CCD), Kinta (28-05-2020).

Tuir dadus ne’ebé fó sai iha loron 18, fulan ne’e, total ema na’in 110 mak hakat klandestinamente iha rai-ketan, husi total ne’e, 48 iha rai-ketan Batugade, Salele na’in 8, Oesilo no Sakato hamutuk 58 no iha loron 15, fulan Maiu lokraik no loron 16, fulan Maiu kalan UPF ka’er hamutuk ho Timor-Oan na’in 4 iha rai-ketan Oe-Cusse.

Nune’e dadus jerál hatudu katak, hahú husi periódu EE to’o tempu ida ne’e UPF identifika ona ema 122 ne’ebé hakat liu fronteira.

Porta-Voz ne’e mós alerta ba populasaun munisípiu Bobonaro, Covalima no Oe-Cusse atu labele hakat ba-mai rai-ketan ho Indonézia, tanba fó risku ba propagasaun COVID-19 iha Timor-Leste.

F-FDTL ho PNTL sei nafatin fo’o apoiu ba malu no liu husi kolaborasaun ho autoridade komunitária sira, sei nafatin halo vijilánsia máxima iha dalan klandestina sira hotu.

Tuir dadus ne’ebé GMN asesu husi Provínsia Nusa Tenggara Timur (NTT), dau-daun ne’e númeru kazu konfirmadu COVID-19 iha provínsia refere kuaze 80 resin, na’in 1 mate  no na’in 9 rekoperadu. ida

Lee hotu :   Manuel Cárceres: Eis membru Governu balun inklui iha lista indultu

Add to Comments Here!!!!

error: Content is protected.
Secured By miniOrange
You might also like:
Subsídiu 60 % ba traballadór, Sei hein aprovasaun orsamentu fundu COVID-19

Prezidente Institútu Nasional Seguransa Sosiál (INSS),...

TL tama lista IV iha sudeste aziátiku kona-ba númeru mate COVID-19 zero

Timor-Leste (TL) tama lista dahaat (IV)...

CNRT konsidera PD–KHUNTO trai koligasaun foun

Bankada CNRT iha uma fukun Parlamentu...

Close