JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

AJAR: Hamosu lei difamasaun atu povu labele kritika ukun-na’in sira

AJAR: Hamosu lei difamasaun atu povu labele kritika ukun-na’in sira

Prezidente Asia Justice And Right (AJAR), José Luis Oliveira, hatete, husi esbosu lei kriminaliza difamasaun ne’e ho intensaun ida atu hamate liberdade espresaun povu Timor-Leste nian atu labele kritika ukun na’in sira, maske ukun nain ne’e halo sala hela ka koruptu maka’as.

“Iha draft ne’e iha artigu 187 B ita haree momos kedas afinal lei ne’e mai atu proteje kritika husi sidadaun sira ba ukun nain sira, jadi sira halo sala karik, ita labele kritika. Ita mesak kritika deit ne’e ita hetan prijaun tinan ida, kritika uza media tinan rua, kritika ba duni sira (ukun nain sira) ne’e mak tinan tolu”,dehan José Luis Oliveira ba GMN, Kinta (11/6/2020), iha Bebora Díli, bainhira husu AJAR nia hanoin kona-ba VIII Governu ne’ebé lidera husi Taur Matan Ruak atu hamosu lei difamasaun ne’e.

Tuir Prezidente Asia Justice And Right (AJAR), José Luis Oliveira, katak, ema ne’ebé halo lei hanesan hakfodak husi mehi mai halo deit ona, no hanesan finji no lahatene katak, Timor-Leste hetan nia independensia ne’e laos tur-tur hetan, maibe liu husi elementu sira ne’e mak kontribui, liu-liu TL hetan premiu bar-barak, tanba defende liberdade espresaun.

“Dalaruma ema ida halo lei mosu mai nia hakfodak nia sei goza ukun ne’e rohan laek be nia proteje nia an ho buat sira ne’e. segundu ema ne’e lahatene istória”, dehan José Luis Oliveira.

Nia dehan, espresaun sira balu tenke kriminaliza hanesan espresaun sira ne’ebé bazeia ba odiu, rasa. Ne’e duni iha esbosu lei kriminaliza difamasaun ne’e mai atu proteje ukun nain sira.

Nune’e mos, Prezidente Konsellu Imprensa, Virgílio Guterres, hatete, VIII Governu atu aplika lei kriminaliza difamasaun ne’e nu’udar atentadu ba liberdade espresaun povu Timor-Leste nian.

Lee hotu :   Faustino da Costa: PNTL la husik livre droga tama TL

Nia dehan, lei kriminaliza difamasaun la tempu ona no Timor-Leste hanesan estadu direitu demokrátiku hakrúk ba lei no labele bandu ema nia liberdade espresaun.

“Atentadu grave ba liberdade espresaun, liberdade espresaun ne’e kurasaun ba demokrasia.  Se ita kriminaliza ema nia hanoin, liberdade espresaun ne’e ema bele espresa ninia maneira ida tuir ninia haree liu husi manifestasaun, liu husi tuda manu-tolun tulen ba polítiku sira ne’ebe la halo tuir sira nia kompromisu eleitoral.” “Hau sente indignadu Governu ida agora PLP, FRETILIN ho partidu seluk komesa propoin lei ida ne’ebe ema la uza ona, ema uza iha tempu Romanu sira, Indonézia uza lei ida ne’e atu kastigu kombatente sira. Hau pesoalmente preparadu katak uluk kedan mos hanoin entaun luta ba poder polítiku sira sempre buka meius atu hamosu lejislasaun ne’ebé que laos atu servi interese públiku nian, atu garante liberdade sidadaun nian maibe dala barak liu proteje sira nia previléjiu, proteje sira nia poder. Tanba ne’e mak Konsellu Imprensa nia palavra mak não e nunca ba kriminaliza difamasaun”, dehan Prezidente Konsellu Imprensa, Virgílio Guterres. GMN

Add to Comments Here!!!!

error: Content is protected.
Secured By miniOrange
You might also like:
Lugu lamenta desizaun PM Taur Matan Ruak

Prezidente Autoridade Sesante Rejiaun Administrativu Espesial...

Horta la konkorda Governu implementa lei kriminaliza difamasaun

Laureadu Nobel ba paz 1996, José...

Joaquim: Lei kriminaliza difamasaun Labele viola direitu sidadaun

Prezidente komisaun A Parlamentu Nasionál (PN),...

Close