Autoridade seguransa inkonsistente iha implementasaun regra EE

Preokupasaun ne’e hato’o husi Rede Defensór Direitus Umanus (RDDU), iha Tersa, loron 9, fulan ne’e, liu husi konferensia imprensa iha salaun Forum Organizasaun Naun Govermental Timor-Leste (FONGTIL), Caicoli-Díli.

Koordenadór RDDU, Inocencio Xavier, hateten, durante implementasaun Estadu Emerjénsia (EE) dahuluk no daruak, pesoal autoridade servisu liña frente balun inkonsisténsia no la implementa tuir régra EE no viola sidadaun balun ne’ebé kumpre kuarentena nia direitu aspirasaun.

“Lamentasaun balun husi ema sira kuarentena katak, atendimentu iha kuarentena pesoal sira ladun respeitu ba sira nia direitu umanus, hanesan sira la hetan informasaun loloos kona-bá rezultadu teste kona-bá sira nia kondisaun ne’ebé la hatudu sintoma ruma husi COVID-19 no sira balun lamenta kona-bá hahan ne’ebé la saudavel ka sin ona no balun sente fali hanesan iha detensaun ka prizaun ne’ebé ajente polísia trata sira hanesan kriminozu, preokupasaun hirak ne’e buras liu tan bainhira aspeitu implementasaun autoridade sira hatudu inkonstitusionalidae no inkonsistensia ba implementasaun regra”, subliña Koordenadór RDDU ne’e.

Tanba ne’e tuir prespektiva RDDU katak, Estadu presiza duni hasa’i medida urjente, maibé medida sira ne’e tenke transparánsia no labele viola sidadaun sira nia direitu atu asesu ba kualker informasaun ne’ebé regra EE permite. san

Leave a Reply

Your email address will not be published. Required fields are marked *