Deolindo dos Santos: Juiz sira hala’o julgamentu kumpre konstituisaun no lei

Prezidente Tribunal Rekursu (TR), Deolindo dos Santos, hateten, juiz sira ne’ebé hala’o kna’ar iha tribunál ne’e halo juramentu hodi kumpre konstituisaun no lei ne’ebé iha, tanba ne’e, sira labele hakru’uk ba ema ida nia hakarak no interese.

Prezidente Tribunál Rekursu ,Deolindo dos Santos, hato’o lia hirak ne’e hodi responde  perguntas jornalista sira ni’an kona-bá ema balun perokupa ona imparsialidade Tribunal sira nian, Tersa (02/06), iha Díli.

Nia mós esplika,regra ne’e aplika ba ema hotu ho imparsiál, honestu no asegura buat ne’ebé iha Konstituisaun Repúblika Demokrátika Timor-Leste no Lei,maibé laos atu asegura ema ida nia interese.

“Juiz nia halo juramentu atu kumpri konstituisaun ho Lei,tamba ne’e mak nia labele kumpri ema ida nia hakarak no interese desizaun iha tribunal nian iha mundu tomak sei la halo kontente husi parte rua hotu, maibé sempre parte ida sente la kontente ho desizaun ne’ebé que sai , tamba desizaun tribunál sempre ida lakon ida iha razaun”, esplika Prezidente Tribunál Rekursu.

Preokupasaun públiku nian konaba lakon fiansa ba Tribunál Rekursu  nee relasiona ho Tribunal, indefere pedidu Eis Prezidente Parlamentu Nasionál (PPN),Arão Noe,tamba la priense requezito sira ne’ebé regra prosesual estabelese.

“Tribunál Rekursu indefere pedidu sira ne’e,tamba la priense requezito sira ne’ebé que regra prosesual estabelese ,desizaun Tribunál Rekursu ne’ebé foti ho koletivu kuaze koalia de’it kestaun prosesual la diskute kestaun meritu, regra ne’e aplika ba ema hotu ho imparsial ,honestu no asegura buat ne’ebé iha konstituisaun RDTL no Lei sira,laos atu asegura ema A,B ou C de’it nia interese”, dehan Deolindo dos Santos.

CNRT husu pedidu fiskalizasaun abstrata konstitusionalidade konabá destituisaun eis Prezidente Parlamentu Nasionál Arão Noe iha loron 18,no 19, Maiu tinan ne’e  hamosu dezintendimentu entre deputadu sira iha Parlamentu Nasionál hodi estraga meza prezidente Parlamentu Nasional nian.

Nune’e mós iha loron 28,fulan Maiu,tinan ne’e,Tribunál Rekursu indefere pedidu fiskalizasaun abstrata konstitusionalidade konabá destituisaun eis Prezidente PN, Arão Noe, nian, tamba la priense rekezitos.Tos