JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Família ho rendimentu liu USD 500.00 simu subsídiu ne’e krime

Família ho rendimentu liu USD 500.00 simu subsídiu ne’e krime

Agregadus família ne’ebé maka rendimentu liu USD 500.00 obriga- an simu subsidíu Governu konsidera ne’e krime.

Iha loron Tersa (09/06/2020), Governu hahú halo ona pagamentu ba agregadu família ne’ebé maka rendimentu família menus husi USD 500 maibé iha lista ne’ebé maka xefe suku sira  fó sai ona iha sede suku sira.

Inklui mós membru Governu, membru Parlamentu, Direitorés no família balun ne’ebé maka iha rendimentu liu husi USD 500.00.

Diretúr Jeral Solidariedade Sosiál no Inkluzaun, Rui Manuel Exposto esplika, dadus lista uma kain ne’ebé  mak hatama iha Ministériu Administrasaun Estatál ne’e ho rekezitus ne’ebé fó sai ona hanesan anexu ho númeru kartaun elitorál maibé iha membru família balun númeru kartaun Eleitoral troka ona, nomós laiha nune’e sistema iha seguransa sosial nian la bebele detekta.

“Ita bele koko uza sistema ne’ebé maka Governu iha tiha ona, ita koko uza ida ne’e tanba ita iha limitasaun oi-oin sei traballadores ne’e rejistu iha seguransa sosial maka sistema sei deteta sei nia rejistu sistema ne’e la deteta,” Rui Manuel Exposto hatutan.

“Agora sei sitema la deteta nia naran sai nafatin, agora fila-fali ba ida-idak nia konsiensia no honestidade ida-idak ninian oinsa maka nia haree katak nia lasimu la persija simu fó ba ema seluk tanba ne’e maka akontese iha Timor, bainhira deteta katak nia la merese simu, nia simu iha diploma ministérial ne’e nia hatete ona katak iha ema ho hanoin,iha intensaun hakarak uja nia poder ka uja nia hakarak ne’e para depois nia bele saida ne’e orsida nia sei hasoru lei”, haktuir, Diretór Jerál Solidaridade Sosiál no Inkluzaun, Rui Manuel  Exposto ba JN-Díario iha nia knaar fatin Caicoli, Tersa (09/06/2020).

Lee hotu :   KAZU LEOREMA, GOVERNU REINTEGRA KOMUNIDADE BA BAIRU

Rui rekoñese sistema Governu iha nia frakeza, nune’e sidadaun hotu tenke kontribui ba dezenvovimentu nasaun, hodi konsiensia atu labele simu subsídiu sei wainhira iha agregadu família maka rendimentu liu husi USD 500.00.

“Tuir lolos,atu tais ne’e tais kedan husi suku, atu haruka naran mai MAE ne’e tais kedan husi suku, depois MAE tais tan maka depois haruka mai MSSI, tuir lolos ne’e hanesan ne’e xefi suku sira maka hatene liu nia komunidade, xefi aldeia, sira maka hatene liu sira  nia komunidade iha ne’ebá ha’u nia aldeia ne’e ema nain hira maka serbisu hanesan funsionariu ho salariru ida ne’ebá tanba iha ne’eba iha rejistu iha ne’eba, sei  naran ne’e mai tomak de’it, depois maka ita tais sei kartaun eleitorál la kompletu ne’e mós problema bo’ot ida. Tanba naran mai husu xefi suku sira ita la tais ona ita mai tomak de’it depois mai iha MAE mós halo rekapitulasaun dadus ida ba ministériu ne’e hanesan ne’e de’it entaun ministériu iha problema tanba ami lahatene katak ida ne’e serbisu iha ne’ebé, serbisu iha ne’ebé ami lahatene” dehan, Rui Exposto.

Dadus ne’ebé MSSI simu husi MAE antes ne’e entrega husi xefi suku sira husi rejista dadus famíla uma kain enkuantu agregadu família ne’ebé rendimentu liu husi USD 500 obrigadu hakarak sai benefisiarus ba subsídiu ne’e inklui agregadu família ne’ebé maka hakarak simu dubru iha futuru.

Wainhira deteta hetan tenki responsabiliza no Governu konsidera hahalok ne’e krime tanba viola ona diploma ministerial Nú. 49 tinan 2017.Luc

Add to Comments Here!!!!

error: Content is protected.
Secured By miniOrange
You might also like:
Autoridade seguransa inkonsistente iha implementasaun regra EE

Preokupasaun ne’e hato’o husi Rede Defensór...

LuGu: Argumentu hasoru governante hanesan hatun-an rasik

Prezidente Rejiaun Administrativa Espesiál Oe-Cusse Ambeno...

PN aprova projetu lei kriminaliza difamasaun,RDDU: Liberdade espresaun sei mout

Koordenadór Rede Defensór Direitus Umanus (RDDU),...

Close