JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Júlio Crispim: Lei difamasaun labele viola liberdade espresaun no imprensa

Júlio Crispim: Lei difamasaun labele viola liberdade espresaun no imprensa

Jurista Padre Júlio Crispim, hatete, esbosu lei difamasaun no injúria ne’ebé prepara husi Governu atuál tenke hadi’a nia definisaun hodi labele viola liberdade espresaun no imprensa povu tomak ninian.

Jurista Padre Júlio Crispim, konkorda ho kondisaun husi esbosu lei difamasaun no injúria, maibe husu ba Ministériu Jusitisa tenke hadi’a esbosu ne’e nia definisaun no halo limitasaun espésifika hodi labele prejudika ba liberdade imprensa no espresaun.

Jurista ne’e konsidera  materia difamasaun no injúria ne’ebé atu konsagra iha kódigu penal tenke iha definisaun klaru ho termu ne’ebé maka espesífiku konaba konseito rua ne’e.  Padre Júlio mos konsidera difamasaun injúria no kalúnia ne’ebé  la étiku ne’e tenki hetan sansaun jurídika ou sívil quando entre individu nain rua. Sansaun penal kuandu entre individu ida ho komunidade ne’ebé ofende sentimento jurídiku étiku komunidade ida nian, inkluindu ninia titulares iha órgaun soberania sira ne’ebé konsagra iha Konstituisaun.

“Sira ne’ebé halo esbosu lei liu-liu Ministériu Justisa presiza haree lei ne’e tenke halo limitasaun espesifiku para labele viola liberdade espresaun, liberdade imprensa, labele viola ida ne’e. Liberdade espresaun no liberdade imprensa ne’e la’os atu fo liberdade ba halo buat aat, liberdade atu bele difama ema, liberdade atu estraga nia naran diak no liberdade atu ofende ema nia direitu ba personalidade lae? Liberdade atu bele garante mos, ema nia onra, garante mos ema nia naran diak no ema nia prestijiu atu garante mos ida ne’e. La’os dehan liberdade espresaun ne’e para atu bele difama ema lae! Atu bele halo injúria no kalúnia ba ema, lae! Labele liberdade espresaun ne’ebé étiku no jurídiku labele júridiku, maibe la étiku ne’e lae! Prinsípio do mínimo étiku ne’e dehan katak buat ne’ebé jurídiku ne’e tem de ser étiku”, hateten  iha nia rezidensia Praia dos Coqueiros, Domingu (14-05).

Lee hotu :   PNTL Ainaro la tolera eis GAM treinu subar

Padre Júlio Crispim mos konsidera injúria no difamasaun hanesan aktu ida ne’ebé la diak iha sosiedade. Tamba ne’e tenke hetan protesaun legal  liu husi konsagrasaun iha kódigu processo sívil no mos iha kódigo processo penal. Jurista ne’e mos esplika Liberdade espresaun ne’e atu espresa buat ne’ebé pozitivu étiku no iha ninia valor ba sosiedade ida. La’os liberdade espresaun ida ne’ebé ho termo negativu sira.

“Uainhira ita hatama kódigu sívil ne’e, ne’e kompensasaun ne’e hasoru diretamente ema ida ne’ebé maka hetan violasaun ba direito da personalidade quer dizer relasaun entre ema na’in rua. Ema nain rua ne’e viola direito da personalidade liu husi injúrias ka difamasaun sira nain rua halo processo no hetan responsbilidade sívil liu husi konpesasaun. Agora ba iha penal difamasaun ho injúria ne’e la’os deit prejudika ou ofende ema individual ida maibe ofende mos sosiedade kuando tama ona ba ofensa ba sosiedade entaun ida ne’e iha sistema júridiku ninia materia ne’e tenki reguladu iha direito penal kuando ofensa ne’e bele sívil ne’e regra lejislasaun das normas jurídikas, ne’ebé konaba ema pessoal ida relasaun entre ema nain rua ninia materia ne’e sívil, ninia natureza ne’e, natureza sívil ne’e regra lejislasaun normas juridikas ne’ebé relasaun entre ema nain rua nia materia ou natureza ne’e sivil. Kuando liga fali ba ema ida no kumunidade ida ne’e nia natureza penal”.dehan tan.

Jurista ne’e mos  konsidera se maka prejudika ema seluk hodi viola ema nia naran diak, honra no reputasaun ne’e tama ba injúrias ou difamasaun. Maibe ligadu ba ida ne’e buat ne’ebé maka tenke halo primeiru maka tenke halo presiza estudu komparativu ida diak atu bele hetan ninia vantajen no desvantanjen uainhira konsagra difamasaun no injuria iha kódigu penal ka sívil.

Lee hotu :   Lere preokupa ho situasaun F-FDTL-PNTL

Padre Júlio Crispim mos husu Ministériu Justisa atu labele uza konseitu ne’ebé maka abstratu no jeral no indeterminadu, se lae  bele loke ninia sentidu ne’e ba buat barak  no bele fo implikasaun ba nia aplikasaun. Esbosu lei konaba difamsaun no injúria elabora husi  Ministériu Justisa no lansa ona ba públiku hodi husu entidade sira nia hanoin konaba esbosu lei refere. Tuir Ministru justisa, esbosu lei refere oras ne’e dadauk seidauk lori ba Konsellu Ministru. Oct

Add to Comments Here!!!!

error: Content is protected.
Secured By miniOrange
You might also like:
Xanana husu juventude Leorema labele hamoe Nicolau Lobato

Líder karismátiku, Kay Rala Xanana Gusmão,...

SEMA lansa manual projetu fundu klimátiku

Sekretariu Estadu Meiu Ambiente (SEMA), Deometrio...

Prevene COVID-19 tama TL, Lere husu sidadaun evita tama ilegál

Atu prevene Corona Virus Disease 2019...

Close