JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KAK: Iha falsifikasaun dadus ba fixa família

KAK: Iha falsifikasaun dadus ba fixa família

Durante prosesu pagamentu agregadu família, Komisaun Anti Korupsaun (KAK) Provedoria Direitus Humanus no Justisa (PDHJ) Inspetór Jeral Estadu (IJE), hamutuk ho ekipa sira seluk halo monitorizasaun no observa kataka, iha risku potensiál ba falsifikasaun dadus fixa família no benefisiáriu sira la kumpri regra Estadu Emerjénsia (EE), hanesan la uza máskara no laiha distansiamentu fiziku no distansiamentu sosiál.

“Ami atu aprezenta rezultadu monitorizasaun ho nia deskobrimentu sira semana sira pagamentu agregadu família hahú iha lornon 9 to’o loron 11 fulan ne’e”, dehan Komisáriu KAK, Sergio de Jesus Hornai, liu hosi konferensia imprensa, Segunda (15/06/2020), iha Farol, Díli.

Komisáriu KAK ne’e haktuir, rezultadu monitorizasaun foka ba asuntu tolu, hanesan komprisio regra EE liga ho distansiamentu sosial no fiziku, segundu pontensia risku sira hanesan korrupsaun ka mal admistrasaun  no iha irregularidade sira.

“Hanesan abuzu de poder, halo kobransa ilegal, falsifikasaun, halo anotasaun  dokumentu falsu fixa família inklui pratika sira seluk. Fatin ne’ebé mak ekipa halo monotorizaun mak iha Kapital Díli, Munisípiu Manatuto, Ermera, Liquiça, Aileu, Ainaro, Baucau, Maliana, Manufahi no Viqueque”, hatete Sergio de Jesus Hornai.

Nia afirma, PDHJ KAK no Ekipa observa, kazu iha fatin hotu tantu iha Díli no Munisipiu ekipa deskobre katak, komunidade balun la kumpri regras sira hanesan EE. PDHJ, KAK no  Inspetór Jeral Estadu (IJE), observa  iha suku balun iha parte dader fó informasaun ba benefisiáriu sira atu kumpri distansiamentu sosial maibé iha suku balun la halo ida ne’e.

“Potensia ba irregularidade  falsifikasaun no kobransa sira iha Suku ba dadus agregadu ba família uma kain no benefisiáriu sira, ekipa observadór sira deskobre  katak, iha problema balun ne’ebé Ministériu Solidariedade Sosial no Inkluzaun (MSSI),taka naran iha suku sira iha mós Fúnsionariu Diretór ne’ebé simu salariu dolar 500, hanesan Assesora, Dosente, eis Deputadu, Juizes, Prokuradores inklui sira seluk”,Subliña Sergio.

Lee hotu :   Ohin kampaña eleitoral, PNTL ho F-FDTL prontu fó seguransa

Komisáriu KAK ne’e afirma tan, ida ne’e  hatudu iha problema balun la sériu kona-ba baze dadus ne’ebé produs hosi MSSI no MAE, sei dadus fúnsionáriu sira deit ne’ebé rejistu ona laiha sistema seguransa sosial labele halo kontrolu ka detekta, oinsa atu hatudu agregadu família ema bai-bain sira.

“Lista ne’ebé aprezensta hosi xefe suku sira ho lista imitidu hosi MSSI, ne’ebé públika iha sede suku sira iha lista balun la hanesan tanba naran balun la mosu iha lista balu públikadu no lista benefisiaru balun naran lakon total. Iha potensia tendensia sira iha falsifikasaun dokumentu sira iha suku ka aldeia sira tanba iha xefe suku no xefe aldeia balun família no joventude balun asesu ba fundu agregadu família, maske sira seidauk forma família. Tanto iha Díli no Munisipiu  ejista irrgularidade konaba, falsifikasaun dadus agregadu família nian tanba prosesu pagamentu ekipa konsege rejista benefisiaru sira, ne’ebé la elijivel katak laiha direitu maibé joven sira hetan direitu ba subsídiu”,dehan tan nia.

Provedora PDHJ, Jesuina Maria Gomes, hatete, ekipa monitorizaun hosi PDHJ tun direta hosi halo observasaun ba prosesu pagamentu  hodi observa situasaun saida mak akontese durante pagamentu.

“Sei iha informasaun hosi komunidade ou keixa liu hosi telephone tama mai PDHJ mak PDHJ sei orienta nia ekipa tun hodi halo verifikasaun iha terrenu maibé laos atu halo intervensaun direitu ba prosesu pagamentu”.

Provedora reafirma, PDHJ nia intervensaun mak atu komunika ho autoridade lokal no sira mak halo intervensaun direita ba suku sira hodi partilha informasaun sira katak, iha indisius kobransa iha suku ida ne’e husu ba Prezidente Autoridade no Sekretáriu Munisipiu atu halo intervensaun.

Lee hotu :   PM Taur orienta IJE investiga funsionáriu uza kareta Estadu ba festa iha Kupaun-Indonézia

“Keixa ne’ebé tama PDHJ rejista nafatin no sei loke prosesu tuir regulamentu interna PDHJ nian, tanba ita presiza halo intervensaun nune’e kazu labele aumenta ezemplu sei konsege kobre ema 10 karik ho intervensaun hosi autoridade lokal sira halo bele hapara nune’e labele abranze ba ema barak”.

Jesuina Maria hatutan, liga ho keixa PDHJ rejista keixa rejista iha ida mai hosi Munisípiu Baucau konaba lsita naran agregadu família, ne’ebé la tama iha edital no alende ne’e iha mós keixa via telephone no Gmail ne’ebé rejista kuaje 20.Fel

Add to Comments Here!!!!

error: Content is protected.
Secured By miniOrange
You might also like:
Pedidu levantamentu FP, CNRT: Esplikasaun MF hamosu konfuzaun

Reprezentante povu iha uma fukun Parlamentu...

Faustino: Kazu oknum PNTL barak mak pendente iha komandu jerál

Komandante Jeral (KomJer) PNTL, Komisáriu Faustino...

Veteranu 115 reklama sira-nia direitu ba Xanana Gusmão

Veteranu kombatente libertasaun nasionál sira hato’o...

Close