Kareta Deputadu Parlamentu Nasionál ida ho sapa matrikula 4 viola regra kódigu estrada númeru 6/2003 hodi para iha trotoár leten iha área Banco Nacional Ultramarino (BNU).
Iha Tersa (02/05/20) membru Unidade Tránzitu Nasionál hala’o operasaun hetan kareta deputadu ida para iha trotoar leten hodi la kumpri regra kodigu estrada númeru 6/2003/ no artigu 49.
Alénde ne’e impede ema la’o ain iha fatin refere.
Tuir observasaun GMN iha terenu haree katak, membru Polísia Tránzitu koko hakbesik ba kondutor hodi husu dokumentus kareta nian, maibé motorista ne’e la lori. Ho ida ne’e, Polísia prende kondutor ninia karta kondusaun.
No Polísia mós aplika tilang ba kareta pribadu balun ne’ebé mak para iha trotoar leten, hanesan iha área Toko Lay oin no iha banku Mandiri.
Tuir tuir kodigu estrada númeru 6/2003, iha tabela infrasaun la lori dokumentu viatura sei selu multa dolar 6 to’o dolar 30.avi
