JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu omisídiu iha UNPAZ, PNTL detein estudante na’in 16

Kazu omisídiu iha UNPAZ, PNTL detein estudante na’in 16

Polísia Nasionál Timor-Leste (PNTL) detein estudante Universidade da Paz (UNPAZ) na’in 16 iha sela detensaun, durante oras 72, hodi submete ba prosesu investigasaun hafoin lori ba Tribunal Distrital Díli atu partisipa iha primeiru interogatóriu.

Komandante PNTL munisípiu Díli, Superintendente Xefe Armando Monteiro, hatete, kazu omisídiu ne’e akontese iha resintu Universidade da Paz, iha Segunda (22/06/20) mais ou menus tuku 2 madrugada, oras Timor-Leste.

Alende ne’e, iha akontesimentu ne’e, rezulta estudante na’in 6 kanek no Polísia transporta kedas vítima sira ba hala’o tratamentu iha Ospitál Nasionál Guido Valadares.

Komandante PNTL munisípiu Díli, Superintendente Xefe Armando Monteiro seidauk esplika kronolojia loloos husi akontesimentu, tanba kazu ne’e sei iha hela prosesu investigasaun.

“Mate-isin iha ona mortuáriu Ospitál Nasionál Guido Valadares, enkuantu PNTL detein estudante na’in 16, hodi submete ba  prosesu investigasaun”, esplika Komandante PNTL munisípiu Díli, Superintendente Xefe Armando Monteiro, ba jornalista sira, Segunda (22/06/20), iha Kuartel PNTL Díli.

Alende ne’e Domingos Maia, núdar matebian nia aman, liu  husi konferénsia imprensa deklara estudante sira mak halo planu hakotu nia oan nia vida. Tanba ne’e nia hakarak prosesu ba kazu tenki la’o ba oin.

“Ita hotu-hotu moris iha lei nia okos, lei mak determina ida ne’ebé mak sala no loos, ne’e investigasaun mak sei determina”, dehan  Domingos.

Mate-isin submete ona ba prosesu outopsia no entrega ona ba família iha aldeia  Efaca no tuir planu família sira sei hader kalan ida iha nia rezidénsia iha Díli, hafoin sei transporta ba uma-lisan iha munisipiu Ermera, hodi hala’o seremonia funebre. avi

Lee hotu :   Kazu kazál Timor-Oan, TDD sei halo apresiasaun ba relatóriu BNN

Add to Comments Here!!!!

error: Content is protected.
Secured By miniOrange
You might also like:
Janeiru-Juñu, surtu dengue hamate ona ema na’in 10

Ministra Saúde (MS), Odete Maria Freitas...

COVID-19 menus iha NTT, Indonézia loke fali ona fronteira terrestre

Embaixador Repúblika Indonézia ba Timor-Leste, Sahat...

Seguransa Guarda Lorosa’e la hetan vensimentu kuaze tinan ida

Koordenadór Guarda Lorosa’e, Júlio Verdial Barros,...

Close